8 месяцев назад 378
Дьэргэлгэн курдук сыдьаайан, дьүкээбил курдук суһумнаан
Дьүкээбил суһумнуур араас өҥүн курдук оҕуруоларынан-хоруоҥкаларынан киэргэтиллибит мааны таҥастаах далбар хотуну Олоҥхо ыһыаҕар бэлиэтии көрөн кэпсэппитим, көстүүмэ эрэ дьэргэлгэн курдук дьэрэкээн буолбатах эбит, бэйэтэ эмиэ ис-иһиттэн тыга сылдьар эниэргийэлээх, сыдьаайар сырдык эйгэлээх, абылыыр айылгылаах киһи буолан биэрдэ.
Аҕыйах ахсааннаах төрүт омуктар аан дойдутааҕы күннэринэн бүгүн Түһэгиир эбээнэ, Акындьы ууһун сыдьаана, Кэбээйи Сэбээн Күөлүттэн төрүттээх, Аллараа Халымаҕа фольклор уһуйааччытынан үлэлээбит, быйыл Эбээн Бытантай аатыттан Олоҥхо ыһыаҕар кыттыбыт, оннооҕор хаһан эрэ табаһыттыы сылдьыбыт, булчут бэрдэ, билигин иис-уус абылаҥар ылларан дьарыктанар буолбут, быһата, хотугу сир хоһуун кыыһа Дария Малышева ол сэргэх сэһэнин, кэрэхсэбиллээх кэпсээнин хайдах баарынан таһаараабыт.
Манна даҕатан эттэххэ, быйылгы Олоҥхо ыһыаҕа эбэҥкилэр төрүт сирдэригэр Нерюнгрига ыытыллыбыт буолан, хотугулуу таҥастаах киһи олус элбэҕэ. Ону бу сигэнэн киирэн көрүҥ https://olonkho.nlrs.ru/archives/8940. Биитэр ааҕыаххытын сөп: https://blogi.nlrs.ru/93902/131437.
