1 неделя назад 503
Күүстээх омук күүстээх дьонун ааттатар
Былыр XIX үйэҕэ Бүлүү улууһун Баппаҕаайы нэһилиэгэр олорон ааспыт ураты күүстээх-уохтаах, модьу-таҕа, кыахтаах Моруот уонна Аҥкыр бырааттыылар ааттарын үйэтитэр сыаллаах Х төгүлүн өрөспүүбүлүкэ таһымнаах ыытыллар Моруот уонна Аҥкыр бирииһигэр хапсаҕайга аһаҕас күрэх Илбэҥэҕэ буолан ааста.
Саха норуотун сѳбүлүүр оонньуута – хапсаҕай – кулун тутар 26 күнүгэр Баппаҕаайы нэһилиэгин А.Е. Алексеев аатынан «Эрэл» спорт саалатыгар буолла.
Манна 4 улуустан: Бүлүүттэн (Бүлүү к., Илбэҥэ, Дьѳккѳн, Лѳкѳчѳѳн), Υѳһээ Бүлүүттэн (Кэнтик, Боотулуу), Горнайтан (Бэрдьигэстээх, Кэптин, Маҕарас, Мытаах, Орто Сурт), Кэбээйиттэн (Мастаах, Баҕадьа) – барыта 104 эдэр хапсаҕайдьыт кэлэн кытынна.
Тренердэр: А.С. Сивцев, С.В. Александров, Э.А. Никифоров, М.С. Павлов, Я.П. Филиппов, Э.И. Соркомов, Н.Н. Иванов, Н.Д. Иванов, А.Л. Николаев, Е.А. Яковлев, В.А. Иванов, Е.Е. Степанов, Д.М. Иванов
Күрэхтэһии сүрүн тэрийээччитэ, тустуу тренерэ Прокопий Семёнович Огудов:
–Бу спорт саалата саҥа тутуллан үлэҕэ киирбитигэр көҥүл тустуу тренеринэн кэлбитим. -«Моруот уонна Аҥкыр» күрэх 1989 сыллаахха бастакытын ыытыллыбыта. Дьиҥэр, 20-тэн тахса сыл ыытыллыбыт буолуохтаах этэ да, спортсаалабыт үлэлээбэккэ турбут буолан, тохтуу сылдьыбыта. Онтон кэлин оҥоһуллубутун кэннитэн сөргүтэн, бу онус сылын түһүлгэ түстэнэр. Сыл аайы 100-тэн тахса оҕо кэлэн кыттарыттан киһи үөрэр.
Бу күрэхтэһиигэ кыттыбыт бастакы уолаттарым спонсордаан күүс-көмө буолаллар: Сергей Петров, Максим Николаев, Петр Татаринов, Дмитрий Иванов, Иннокентий Харлампьев, Алексей Таскин, Иван, Гаврил Алексеевтар. Тэҥҥэ тэрийсэллэрин иһин махтанабын. Бэйэлэрин нэhилиэктэрин туhугар кылааттарын киллэрэ туралларыттан киhи астынар уонна маннык уолаттардаахпын киэн туттабын.
Кэнэҕэски эдэр ыччат успуорт бу көрүҥэр дьарыктанаҥҥыт, киhи быhыытынан сайдан, олоххо дьулуурдаах дьон буола улаатаргытыгар баҕарабын. Олохтоохтор миигин ѳйѳѳн, төрүттэрбитин, силиспитин, төрдүбүтүн хайаан да билиэхтээхпит диэн сыалтан-соруктан бу күрэх тэриллэр. Ким кыахтаах – ол кыайдын!
Күүс-кѳмѳ буолар тэрийсээччилэр – Моруот уонна Аҥкыр аҕа уустарынан аймахтара, Никифоровтар, Баппаҕаайы оскуолатын учуутала Жиркова Ирина Николаевна, Баппаҕаайы олохтоох дьаһалтата.
Хапсаҕай түһүлгэтин судьуйаларынан Степанов Егор (Илбэҥэ), Соркомов Эрхаан (Бэрдьигэстээх), Александров Сергей (Бүлүү), Филиппов Ян (Мытаах), Сивцев Андрей (Бүлүү), Павлов Михаил (Кэптин) үлэлээтилэр.
Кылаабынай спортивнай сэкэритээр эппиэтинэстээх үлэтин Никифоров Эдуард (Бүлүү) толордо.
Кыттааччылары, ыалдьыттары Баппаҕаайы оскуолатын IX, X, XI кылаас кыргыттара чороонноох үҥкүүнэн (сал. А.С. Винокурова), VIII, IX, X кылаастар уолаттарын ансаамбыллара (сал. С.Д. Оленова) ырыанан эҕэрдэлээтилэр.
Күрэхтэһии түмүгэр кыайыылаахтар ааттаннылар, грамота, мэтээл, харчынан бириистэри туттулар.
2018 сыллаах уолаттар 22 кг ыйааһыҥҥа диэри:
I миэстэ – Александров Юрий (Бүлүү)
II миэстэ – Шишигин Коля (Мытаах)
III миэстэ- Жирков Вася (Бэрдьигэстэх).
45 кг ыйааһыҥҥа диэри :
I миэстэ – Колесов Аким (Маҕарас)
II миэстэ – Филиппов Айаан (Мытаах)
III миэстэ – Яковлев Богдан (Илбэҥэ)
2016 – 2017 сыллаах уолаттар 30 кг ыйааһыҥҥа диэри:
I миэстэ – Кононов Дархан (Бүлүү)
II миэстэ – Дмитриев Айхал (Бүлүү)
III миэстэ Мартынов Дамир (Кэптин)
35 кг ыйааһыҥҥа диэри:
I миэстэ – Харитонов Яков (Баҕадьа)
II миэстэ – Николаев Илья (Илбэҥэ)
III миэстэ – Иванов Богдан (Бэрдьигэстэх)
40 кг ыйааһыҥҥа диэри:
I миэстэ – Николаев Эрхан (Бүлүү)
II миэстэ – Алексеев Гриша (Бүлүү)
III миэстэ – Данилов Дьулуур (Дьѳккѳн)
2014 – 2015 сыллаах уолаттар 28 кг ыйааһыҥҥа диэри:
I миэстэ – Борисов Саша (Илбэҥэ)
II миэстэ – Васильев Дамир (Бүлүү)
III миэстэ – Васильев Тимур (Бүлүү)
35 кг ыйааһыҥҥа диэри:
I миэстэ – Аммосов Эрэл (Бүлүү)
II миэстэ – Львов Ярослав (Кэнтик)
III миэстэ – Кононов Федя (Баҕадьа)
45кг ыйааһыҥҥа диэри:
I миэстэ – Чуруков Айсен (Бүлүү)
II миэстэ – Григорьев Марк (Кэптин)
III миэстэ – Лепчиков Дамир (Мастаах)
2012 – 2013 сыллаах уолаттар 50 кг ыйааһыҥҥа диэри:
I миэстэ – Никифоров Коля (Бүлүү)
II миэстэ – Павлов Антон (Кэнтик)
III миэстэ – Иванов Дамир (Илбэҥэ).
Абсолютнай киирсиигэ кыраларга 24, улахаттарга 9 уол кытынна.
Кыра уолаттарга Бүлүү куоратыттан Кононов Дархан (III кылаас) абсолютнай чемпион буолан, 15 тыһыынча солк. бириис тутта.
– Бу бастакы ситиһиим. Улахан сыраттан, күүстээх эрчиллииттэн кэллэ. Кыайбыт харчыбынан бэйэбэр төлөпүөн ылыныам.
Улахан уолаттарга абсолютнайга чемпион аатын ылла Илбэҥэттэн Платонов Альберт (IX кылаас) уонна 35 тыһыынча солк. бирииһинэн, кубогунан наҕараадаланна (спонсор – Моруот уонна Аҥкыр сыдьааннара).
–Күүстээх эрчиллии түмүгэр кыайдым. Дойдум истиэнэтэ көмөлөстөҕө дии. Бу иннинэ “Моруот уонна Аҥкырга” чемпионнуу, иккитэ призердуу сылдьыбытым. Элбэх өрөспүүбүлүкэтээҕи күрэхтэргэ кыттыбытым, миэстэлэспитим. Бирииспинэн бэйэбэр таҥас-сап атыылаһыам, дьоммор көмөлөһүөм.
Кыайыыга дьулуурдарын иhин 29 уол биhирэбил харчынан наҕараадаланнылар. Ону таhынан Алексеев Сандар, Николаев Илья, Николаев Артём, Платонов Альберт, Кириллин Эрхаан аймахтарын анал бириистэрин тутан үѳрүүлэрэ үксээтэ.
Түмүккэ чаҕылхай киирсиини кѳрдѳрбүт Васильев Олегка учууталлара И.Н. Жиркова, М.И. Афанасьева 10 тыһыынча солк. туттардылар.
Икки үйэ анараа ѳттүгэр олорон ааспыт күүстээх дьон Моруот уонна Аҥкыр ааттарыгар ыытыллыбыт, саха дьоно-сэргэтэ бэрт кэрэхсиир күрэҕэ хапсаҕай биир күн нэhилиэк олохтоохторун сэргэхситтэ, кыттыбыт оҕолор ѳйдѳрүгэр-санааларыгар умнуллубаттык хаалыаҕа, Илбэҥэ сиригэр устуоруйа буолуоҕа.
Быйылгы сомоҕолоһуу сылынан араас нэһилиэктэртэн оҕолор түмсэн, сомоҕолоһон, успуорт биир дьоро күнэ ситиһиилээхтик, түмсүүлээхтик түмүктэннэҕэ.
Сырдаттылар: Андреева Айаана, Борисова Сандаара, Петрова Инга, IX кылаас,
Баппаҕаайы М.А.Алексеев аатынан оскуолатын
«Кѳмүс бѳрүѳ» медиа-киин эдкордара,
Илбэҥэ, Бүлүү
Хаартыскаҕа түһэрдэ салайааччылара Людмила Тарасова, видеоролигы оҥордо Никифорова Саяна.
