ЧУРАПЧЫ УЛУУҺУН ГИМНАЗИЯТЫГАР СУРУЙААЧЧЫЛАР ҮӨРЭНЭЭЧЧИЛЭРИ КЫТТА КӨРҮСТҮЛЭР - Блоги Якутии

11 месяцев назад 263

ЧУРАПЧЫ УЛУУҺУН ГИМНАЗИЯТЫГАР СУРУЙААЧЧЫЛАР ҮӨРЭНЭЭЧЧИЛЭРИ КЫТТА КӨРҮСТҮЛЭР

Муус устар 3 күнүгэр Чурапчы улууһугар Саха Республикатын култууратын, искусствотын уонна литературатын күннэрин чэрчитинэн суруйааччылар оскуола оҕолорун кытта “Гражданин буоларга өй-санаа сайдыытыгар ааҕыы уонна уус-уран литература оруола” литературнай көрсүһүүлэрэ улуустааҕы гимназия аактабай саалатыгар буолла. 

“Айар үлэ алгыстаах аартыгынан” кинигэ быыстапката.

Көрсүһүүгэ Норуодунай суруйааччы Сэмэн Тумат кинигэни хайдах ааҕарга сүбэ биэрэн оҕолорго кэпсээтэ.

Прозаик П.П. Федоров – Сомоҕо В.С. Яковлев – Далан айымньыларын ааҕын диэн сүбэлиир.

Поэт, прозаик О.А. Янцен (Фролова) классиканы ааҕын диэн бэйэтин санаатын эттэ.

Эдэр суруйааччы С. Корякина – Сардаана бэйэтэ айбыт хоһооннорун ааҕан иһитиннэрдэ.

Гимназия үөрэнээччитэ Айсаана суруйааччыларга боппуруос биэрэн толору эппиэти ылла.

Түмүккэ суруйааччылар элбэх кинигэтэ ааҕан, билиигитин хаҥатын диэн баҕа санааларын эттилэр.

Добавить комментарий