Бэлиэтии көрбүккүт эбитэ дуу, 100 сыллаах улуу үбүлүөйү көрсө Дьокуускайга туруоруллубут туох баар уулусса билбордтара нууччалыы тахсыбыттара. Ону ааһан, оннооҕор “Чолбон” сурунаал, “Кыым” хаһыат бырааһынньыктааҕы таһаарыыларыгар эмиэ нууччалыы “100 лет ЯАССР” диэн суруктаах ойуулары бэчээттээбитэрэ.Маны муодарҕыы саныыр этим. Тоҕо маннык буоллаҕай диэн. Онтум хоруйа судургу эбит дии санаатым. Бу бэлиэ күн символикатын оҥорбут дизайнер үбүлүөйгэ Далее…

Мин бу сотору 60 сааспар үктэнээри турар саха киһитэ буоларым быһыытынан,  Платон Алексеевич Слепцов-Былатыан Ойуунускай туһунан син элбэҕи истибит, кини айымньыларын аахпыт киһибин. Саха литературатын төрүттээбит Алексей Елисеевич Кулаковскай- Өксөкүлээх Өлөксөй саҥа үйэ кэлбитин, урукку империялар суох буолар суолга турбуттарын, аан дойду аймалҕаҥҥа киирбитин өйдөөбүтэ кини көлүөнэтэ иитэн таһаарбыт эдэр бассабыык уолаттарга тиийбитэ. Платон Ойуунускай Далее…

“Майаак” араадьыйаҕа “Училка против Маяка” диэн рубрикалаахтар.Онно ыытааччылар да, устуудьуйа ыалдьыттара да сыыһа саҥарбыттарын, ааттарын ааттыы-ааттыы, саҥарбыттарын быһан ылан иһитиннэрэ-иһитиннэрэ, биир Наталья Гартман диэн лингибиис дьахтар сыыһаларын-алҕастарын ырытар.Нууччалыы маннык саҥарыллыбат, маннык саҥарыллар диэн.Наһаа үчүгэй.??Маны Саха араадьыйатыгар тиэрдэр киһи…

Оннук ыйыттахтарына маны ыытаарыҥ?: Поле чудес курдук.Ол эрээри сорудаҕа суох.Күн аайы 5 буукубалаах тылы таайтарар. Биир хонукка биир тылы.Холобур, быһах диэн тылы “санаабыт” буолар.Эн буоллаҕына холобур “бырыы” диэн суруйаҕын, өйгүттэн ылан. Оччоҕуна “бы……” диэн көрдөрөрОччоҕо чэ, холобур, “былах” диэн суруйаҕын, иккис холонуугар.Оччоҕуна “бы…ах” диэн көрдөрөр.Оннук 6 холонуу күн аайы бэриллэр. Алтыскар таайыахтааххын.Эбэтэр эрдэ. https://wordle.tylytaay.ru/

Бу бүгүн кэпсэтэбит (от күөҕүнэн мин хоруйум). Салгыыта: [18:18, 12.04.2022] Николай Иванович : Аны оскуола оҕолорун грамматикаларын ылан көрүҥ эрэ. Учууталлар да, төрөппүттэр да өйдөөбөттөр. Онон соруйан саха тылыттан оҕону, дьону тэйитэ сатааһын бара турар дуу диэн санаа үөскүүр.[18:25, 12.04.2022] Халан Павлов: Итинник санаа баар. Наһаа уустуктук үөрэтэр буоланнар сахалыы билбэппит диэн. Дьиҥэр, оннук буолбатах. Далее…

Биики Халандаар диэн Сахалыы Бикипиэдьийэ уонна Саха-информационнай агенство бииргэ оҥорбут бырайыактара муус устар 7 күнүгэр лоп курдук икки сылын туолуоҕа. Сүрүн сорукпут сахалыы суруйар сурналыыстыканы уопсастыбаннас өттүттэн өйөбүл этэ. Тоҕо диэтэххэ көрдөрөр уонна иһитиннэрэр сахалыы суруналыыстыка билигин да сайдар кыахтаах буоллаҕына (тэлэбиисэри көрөр, араадьыйаны истэр дьон элбэхтэр), сахалыы ааҕар дьон күнтэн күн аҕыйаан иһэр курдуктар. Далее…

Наассыйа бибилэтиэкэтэ (устудьуоннуур сылларбытыгар Пушкинка диир этибит, оттон өскөтүн Күлүмнүүр аата иҥэрилиннэҕинэ, туох диэхпит эбитэ буолла?) уларыйбыт. Мэктиэтигэр үлэһиттэрэ да ордук эйэҕэс буолбут курдуктар 😉Киэҥ-куоҥ буолбут, дьон олорон кэпсэтэр сирдэрэ элбээбит, кинигэни урукку курдук сакаастаан ылбаккын, барыта стеллажтарга аһаҕас турар, кэрийэ сылдьан хараҕыҥ хатаммытын талаҕын. Оннук, хата, Клиорина “Куррикулум витэ” диэн ахтыы кинигэтин булан ыллым, Далее…

Чэ, саҥа сиргэ саҕалаатаҕым буоллун! Сахалыы сурук-бичик аан ситим киэҥ киэлитигэр элбиэхтээх. Тоҕо ону ситиһэ сатыыбытый? Бүгүн ФАДН1 кэмпириэнсийэтигэр хаһан эрэ дакылаатынан кыттыбыппын санатан, тиэкиһин ыыт диэбиттэр этэ. Онно көрдөрүкпүн (презентацияны инньэ диибит) көрө, тугу кэпсээтим этэй диэн бэйэбэр бэйэм санатта олорон өйбөр маннык санаа көтөн түстэ: кэнники кэмҥэ хас да түһүлгэҕэ бу тиэмэҕэ этиммит Далее…