2 месяца назад 128
Маҥнайгы кинигэбитин умнуохпут суоҕа
Оҕолор «Букубаары» аан бастаан илиилэригэр балаҕан ыйын бастакы күнүгэр туппуттара. Оттон билигин бары ааҕар буолбуттарын аhаҕас уруокка бигэргэттилэр.
Уруок устата араас сорудахтары толордулар: дорҕооннорун санаан чиҥэттилэр, кѳппүт буукубалары, дифтоннары булан, сүһүѳхтэри холбоон, тыл таhааран, сатабылларын кѳрдѳрдүлэр. Буукубаларга хоhооннору аахтылар, ыллаатылар, үҥкүүлээтилэр, флейтаҕа кытта оонньоотулар. Тѳрѳппүттэрин кытта сѳбүлүүр буукубаларын талан, араас матырыйаалтан сымнаҕас буукуба тикпиттэр. Υлэ уруогар оҕолор буукубалары кыылга, кѳтѳргѳ тэҥнээн, аппликация оҥордулар.
Үөрэнээччилэр оскуола туһунан ыйытыыларга хоруйдаатылар:
Уруокка саамай сөбүлүүр дьарыгын?
- уруһуй, суот-ахсаан, ааҕыы, суруйуу, аппликация.
Оскуолаҕа сылдьарга туох быраабыланы билэҕин?
- Уруокка үчүгэйдик олоруу, учууталы истии, мэниктээбэккин, көҥүллэтэн тахсаҕын.
Ханнык предмет саамай интэриэһинэйий?
- Математика, нуучча тыла (саҥа тиэмэ барарбыт), үлэ уруога.
Киһи тоҕо үөрэнэр?
- Өйдөөх буолаары, барытын билээри, суоту сатаары, үчүгэйдик ааҕаары.
Оскуолаҕа саамай сөбүлүүр миэстэҥ?
- Кылааспыт уонна буфет.
Уруок диэн тугуй?
- Үлэ.
- Өйгүн сайыннарар.
- Билии биэрэр.
Букубаартан үѳрэнэн, араас кинигэни ааҕаллар, үчүгэйдик үѳрэнэргэ кыһаллаллар. “Ол эрээри маҥнайгы кинигэбитин «Букубаары» умнуохпут суоҕа”, – дэhэллэр.
I кылаастар учууталлара Людмила Сергеевна Тарасова,
Баппаҕаайы М.А. Алексеев аатынан оскуолата,
Илбэҥэ, Бүлүү.
