6 месяцев назад 5368
Кураанах куолу буолбатаҕын көрдөрөр кэм кэллэ
Саха омук бэйэтэ туспа тыллаах, дорҕоонноох, суруктаах-бичиктээх норуот буоларын кэрэһилиир «ҺӨҔҮҤ» арт-эбийиэги “Саха Сирин култуурата” хамсааһын айар куттаах ыччата Национальнай бибилэтиэкэ тиэргэнигэр туруорбута оруобуна 3 сыл буолла. Биир бэйэм кинилэри хайҕыыбын эрэ: “Маладьыастар! Ким да ыйыыта-кэрдиитэ суох бэйэлэрин баҕаларынан, тустаах үлэлэриттэн быыс булан, норуот кэскилин санаан, эскииһиттэн саҕалаан, барытын бэйэлэрэ ымпыгар-чымпыгар тиийэ толкуйдаан, граҥҥа киирсэн, ол кыракый үбүнэн матырыйаалын эҥин атыылаһан, бу дириҥ суолталаах сонун инсталляцияны сахаларга сырдыгы сахпыт, билиини биэрбит бибилэтиэкэбитигэр бэлэхтээбиттэрэ үчүгэйин!”- диэн.
Ол эрээри хайҕаныахтааҕар, этэргэ дылы, оҥорбут “буруйдарыгар” элбэх сэмэни иһиттилэр быһыылаах. Турар миэстэтин сөбүлээбэккэ, социальнай ситиминэн да, хаһыатынан да “бэйэбитигэр сэнэбиллээх сыһыаммыт итинтэн көстөр, киһи сылдьыбат кыбычыын сиригэр кыбыстыбыттыы саһыаран туруораллар” диэн ис хоһоонноох суруйуулары, устуулары тарҕаппыттара.
Дьэ, ити куолу кураанах буолбатаҕын көрдөрөр кэм кэллэ: бибилэтиэкэ иннигэр, уулусса өттүгэр (хартыынаны көр), көһөрөргө көҥүл биэрдилэр, онуоха 130 тыһыынча солкуобай наада. Ити олох аччатан-аччатан. Дьиҥнээх ороскуота элбэх этэ, ону көмөлөһөр дьон көстөн, хата, 130 тыһыынчаны эрэ булуохпутун наада буолла.
Киһи барыта ити турар сириттэн көһөрүөн баҕарар курдуга… Ол эрээри билиҥҥитэ 12.500 солк. эрэ киирбит. Биллэрии барбыта-тарҕаммыта ый буолан эрэр. Ол тухары…
Саха тылын туһугар долгуйар, кыһаллар дьон бары 50-нуу да солкуобайы ыыттахтарына, начаас 130 тыһыынча буола түһэр ини дии саныыбын. Көмөлөспүт дьон ааттарын суруйан үйэтитээри гыналлар. Куйаар-кодка киллэрэн.
Онон бачча улуу омук, сахабытынан киэн туттар норуот, маны ааҕаат, биир да күнүнэн ити кыракый сууманы хомуйар инибит диэн эрэнэбит. Кытаатыҥ, тарҕатыҥ. Хас киирбитин эмиэ манна сырдатыахпыт.
Көмө харчыгытын ыытар нүөмэр : +79142726424 Роман Петрович Т (СБЕРБАНК, Т-БАНК, OZON), «Буукубаларга» диэн бэлиэтээриҥ.
Счекка ыытар буоллахха:
Индивидуальный предприниматель Терентьева Евдокия Ивановна
ИНН: 141502280930
ОГРНИП: 313144710500050
Банковские реквизиты:
АКБ «Алмазэргиэнбанк» АО
БИК: 049805770
Расчетный счет: 40802810500000005947
Корреспондентский счет: 30101810300000000770
эбэтэр
ЯКУТСКОЕ ОТДЕЛЕНИЕ N8603 ПАО СБЕРБАНК ЯКУТСК
БИК: 049805609
Расчетный счет: 40802810976000017042
Корреспондентский счет: 30101810400000000609.
