Николай Лугинов – ыччат сөбүлүүр суруйааччыта

Норуодунай суруйааччыбыт Николай Лугинов атырдьах ыйын 14 күнүгэр 77 сааһын туолла. Сэттэ сыыппара сахаҕа үчүгэй чыыһыла дииллэр. Онон алгыстаах саас айымньылаах, ситиһиилээх, элбэх үөрүүлээх буоллун!

Национальнай бибилэтиэкэ оҥоһуу өйү биир бастакынан үөрэтэн, саха тылыгар туһанан эрэр. Николай Лугинов “Чыҥыс Хаан ыйааҕынан” романын ИИ ааҕарын бу сигэнэн киирэн истиҥ https://new.nlrs.ru/open/8888 (ити микрофон бэлиэтин баттыыгыт).

Аны туран, “ҺӨҔҮҤ” хамсааһын чэрчитинэн, ыччакка сахалыы ааҕыыны көҕүлээн, буктрейлер күрэҕин тэрийэн ыыппыппыт. Онно барыта 93 үлэ киирбититтэн 12-тэ Николай Лугинов айымньыларыгар этэ. Итинтэн сылыктаатахха, аныгы ыччат сөбүлүүр суруйааччыта эбит.

Бүгүн ол роликтары таһаарабыт. Оҕолорго көрдөрүҥ уонна тарҕатыҥ диэн көрдөһөбүт.