3 недели назад 154
Ситиһии күнэ: “Мин – Өрөспүүбүлүкэ инники кэскилэбин!”
Улуу Кыыйыы 80 сыллаах үбүлүөйүн, Өрөспүүбүлүкэ күнүн көрсө, муус устар 25 күнүгэр Н.Е. Мординов-Амма Аччыгыйа аатынан Харбалаахтааҕы үөрэхтээһин холбоһугар “Мин – Өрөспүүбүлүкэ инники кэскилэбин!” диэн тумус тыллаах Ситиһии күнэ буолан ааста.
Сылын аайы ыытыллар сыл бастыҥнарын чиэстиир тэрээһиммит үрдүк таһымҥа ыытылынна.
Тэрээһиҥҥэ Тааттатааҕы үөрэх салалтатын салайааччылара Иннокентий Иннокентьевич Дягилев, Татьяна Алексеевна Тютрина кыттыыны ыллылар.
И.И. Дягилев кэлэн иһэр бэлиэ күннэринэн эҕэрдэлээн туран, технология өрөспүүбүлүкэтээҕи олимпиадатын призера Яра Васильеваҕа, VII кылаас үөрэнээччитигэр, СӨ үөрэххэ уонна наукаҕа министиэристибэтин грамотатын туттарда.
Үөрэнээччилэр ситиһиилэрэ учууталлар бэриниилээх, таһаарыылаах үлэлэрин үтүө түмүгэ буоларын бэлиэтээн туран, ситиһиилээх үлэлээх учууталларга: Антоева Раиса Дмитриевнаҕа, Кривошапкина Валентина Семеновнаҕа, Седалищева Евдокия Ивановнаҕа, Севастьянова Татьяна Семеновнаҕа, Трофимова Варвара Павловнаҕа, Уварова Ньургуйаана Алексеевнаҕа, Старостина Кристина Игнатьевнаҕа – үөрэх улуустааҕы салалтатын Бочуоттаах грамоталарын туттартаата.
Үөрүүлээх тэрээһин I, II кылаас үөрэнээччилэрэ бу күннэргэ анаммыт хоһооннорунан, IV кылаас үөрэнээччитэ Клим Макаров, III кылаас үөрэнээччилэрэ ырыаларынан, “Орто Амма кэскилэ” түмсүү эҕэрдэ үҥкүүтүнэн доҕуһуолланна.
Үөрэнээччилэри кылаастарынан үрдүк сыанаҕа ыҥыран, ситиһиилэрин билиһиннэрэн туран, Добун суруктары туттардылар.
Орто Амма дьаһалтатын аатыттан тыа хаһаайыстыбатын специалиһа Светлана Петровна Винокурова эҕэрдэлээтэ. “Мин төрөөбүт түөлбэбинэн киэн туттабын!” бырайыагы үлэлэтэр кылаас салайааччыларыгар махтанна.
Үтүө үгэс сыллата салҕанан иһэр. Ол курдук, “Предмети бастыҥ билээччилэри” анаан чиэстээһин буолла.
Бастыҥтан бастыҥнар анал стипендияларга тиксэн, үөрүү үрдүк өрөгөйүн биллилэр.
IV кылааһы бүтэрээччигэ үчүгэй үөрэҕин, олимпиадаларга ситиһиилэрин иһин Санникова Аграфена Фоминична, Санников Кирилл Кирилловичааттарынан стипендия – Иванов Эрсан (IV кылаас).
История предметигэр уһулуччу ситиһии иһин Мординов Трофим Егорович аатынан стипендия – Кривошапкин Алеша (X кылаас).
География предметигэр уһулуччу ситиһии иһин Яковлева Екатерина Максимовна аатынан стипендия – Андреева Аля (XI кылаас).
Оскуола, нэһилиэк олоҕор көхтөөх кыттыы иһин Мординова Оксана Трофимовна аатынан стипендия – Гузаирова Яна (XI кылаас).
Саха тылын олимпиадатыгар уһулуччу ситиһии иһин Борисов Альберт Захарович аатынан стипендия – Антоева Вероника (VII кылаас).
Черчение предметигэр ситиһии иһин Харбалаах маҥнайгы тутааччыта, биллиилээх прораб Анисимов Афанасий Тарасович аатынан стипендия – Васильева Яра (VII кылаас).
Өрөспүүбүлүкэ олимпиадаларыгар ситиһиилээх выпускникка Аҕа дойду Улуу сэриитин бэтэрээнэ Соров Михаил Герасимович аатынан стипендия – Аля Андреева (XI кылаас).
Тыллаах-өстөөх, көхтөөх үөрэнээччигэ Колотинский Петр Гаврильевич аатынан стипендия – Миша Спиридонов.
Омук тылын бастыҥ билээччигэ Ефремова Мария Кононовна аатынан стипендия – Никонова Арина (III кылаас).
Рахлеева Анна Прокопьевна аатынан стипендия – XI кылаас үөрэнээччитэ Ян Васильев.
Олоҥхону толорор оҕоҕо Дайбанныров Иннокентий Егорович аатынан стипендия – Федорова Айсаана (VII кылаас).
Уруһуйга, уус-уран оҥоһукка үрдүк ситиһиилэрин иһин Корякин Иннокентий Дмитриевич аатынан стипендия – Никонова Милена (X кылаас).
Бастыҥ үлэһит оҕоҕо Маркова Ариада Анатольевна стипендията – Халыев Эрсаҥҥа (VII кылаас) .
Бастыҥ спортивнай көрдөрүүлээх оҕолорго “Төлөн” тэрилтэ стипендиялара – Слепцова Анджелия (X кылаас), Халыева Дайаана (IX кылаас), Герасимов Викториан (XI кылаас).
Маны таһынан билигин үлэлии сылдьар учууталларбыт Блахирова Валентина Викторовна,Бястинова Ирина Романовна, Кривошапкина Валентина Семеновна, Севастьянова Татьяна Семеновна, Попова Марианна Степановна,Соломонова Дианна Егоровна үөрэтэр хайысхаларынан бастыҥ ситиһиилээх үөрэнээччилэргэ бэйэлэрин ааттарынан стипендиялары туттардылар.
Ситиһиилээх үөрэнээччилэргэ сыллата анал стипендиялары туттаран, үөрэнээччилэрбитин үөрдэр, кэскиллээх олоххо сирдиир дьоммутугар барҕа махталбытын тиэрдэбит!
“Сыл бастыҥ үөрэнээччитэ” үрдүк аатын XI кылаас үөрэнээччитэ Васильев Ян сүктэ уонна олохтоох дьаһалта анал бирииһин тутар чиэскэ тигистэ.
Наҕараадалааһын кэнниттэн бары “Кыайыы дьыктаанын” суруйдубут.
Үөрэнээччилэрбит бу үөрүүлээх түгэнтэн кынаттанан, ситиһиилээх дьон буола үүнэн-үрдээн иһиэхтэрэ, өрөспүүбүлүкэ инники кэскиллэрэ буолуохтара диэн эрэлбит улахан!
Ситиһии күнэ өссө үрдүк чыпчаалларга угуйа, ыҥыра туруохтун!
Виолетта Петрова, Валентина Кривошапкина Таатта, Харбалаах
