1 месяц назад 439
Биһиги Исиидэрбит
Сарсын саха бастакы лингвист учуонайа Сэмэн Ноҕуруодап төрөөбүт күнүгэр Төрөөбүт тыл уонна сурук-бичик күнүн 29-с сылбытын бэлиэтиэхпит. Оттон бүгүн Ноҕуруодап “Сурук-бичик” букубаара уонна “Ааҕар кинигэ” хрестоматията бэчээттэнэригэр туһаныллыбыт сахалыы шрифт 1923 сыллаахха Петроград куоракка кутулларын быһаччы өйөөбүт Исидор Никифорович Барахов (1898—1938) төрөөбүт күнэ.
Исиидэр Бараахап саха тыла сайдыытыгар, чахчы, элбэх үтүөлээх. Холобура, кини тэрийиитинэн 1921 сыллаахха “Манчаары” диэн сахалыы бастакы хаһыат тахсыбыта. Өссө бастакы эрэдээктэрэ этэ. Аны 1926 с. Алампаны уонна Күндэни кытта Баку куоракка түүр тыллаахтар I сийиэстэригэр бара сылдьыбыта.
Саха аптаныамыйалаах өрөспүүбүлүкэтин төрүттэспит чулуу судаарыстыбаннай-бэлитиичэскэй диэйэтэл, экэниэмикэ, тырааныспар, суол-иис, тыа хаһаайыстыбата, сир баайын хостуур бырамыысыланнас салаалара сайдыытыгар сүҥкэн өҥөлөөх салайааччы Исиидэр Бараахап туһунан кини биир дойдулааҕа – Үөһээ Бүлүү улууһун Дүллүкүтүттэн төрүттээх, билигин Өрөспүүбүлүкэтээҕи лиссиэй үөрэнээччитэ Илона Руфова – бэртээхэй ролигы устубутун сэҥээрэн көрүҥ. Дьүөгэтэ Дайаана бэйэтэ айбыт хоһоонун ааҕар. Эмиэ РЛИ-гэ үөрэнэ сылдьар.
И.Н. Бараховка анаммыт кинигэлэри бу сигэнэн киирэн көрүҥ , ааҕыҥ https://new.nlrs.ru/collections/270
