2 месяца назад 830
Күн оһуохайыгар тоҕуоруһа муһуннулар
Ыччат олоҥхону, оһуохайы уонна чабырҕаҕы сэҥээрэригэр, умсугуйан дьарыктанарыгар “Саха” НКИХ “Олоҥхо-баттл”, “Тыый”, “Күн оһуохайа” курдук интерактивнай күөн күрэстэрэ олус көдьүүстээхтэр уонна көҕүлүүр күүстээхтэр.
Олунньу 4 күнүгэр үһүс сылын ыытыллар “Күн оһуохайа” телевизионнай күрэх саҕаланна.
Алгыстаах аһыллыыта Арчы дьиэтигэр буолла. “Саха” НКИХ үлэһиттэрэ Ньургуйаана Ботуева уонна Никита Аянитов, быйыл эмиэ бу күрэх ыытааччыларын быһыытынан үлэлэрин саҕалаан, тэрээһини салайан ыыттылар.
Бу “Күн оһуохайа” бырайыак ааптара, Үөһээ Бүлүү улууһун култуураҕа уонна духуобунай сайдыыга департаменын салайааччыта, култуура үтүөлээх үлэһитэ, үөрэҕирии уонна култуура туйгуна, Саха сирин Аан Дархан оһуохайдьыта Айталина Михайловна Мойтохонова-Сахаайта, итиэннэ бу оһуохайдаах оһуобай оҥкул салайааччыта, “Саха” НКИХ дириэктэрэ Олег Егорович Колесов-Талбан,
10 күн устата олорор, күрэхтэһэр дьиэлэрэ буолар “Сосновый бор” оҕону чэбдигирдэр-сынньатар киин дириэктэрэ Варвара Альбертовна Васильева кэлэн эҕэрдэлээтилэр. Санатан эттэххэ, бу куонкурус өрөспүүбүлүкэ Бырабыыталыстыбатын, үөрэххэ уонна култуураҕа министиэристибэлэрин өйөбүллэринэн тэриллэр.
Дьэ, быйыл кимнээх күрэхтэһэллэр? Билсиэххэйиҥ эрэ, ааттарын ааттаан, дойдуларын бэлиэтээн:
1. Базюк Эрика, Үөһээ Бүлүү Хорото.
2. Фокинова Василиса, Сунтаар Кутаната.
3. Матвеева Кристина, Таатта Дьохсоҕоно.
4. Абдрахманова Айджан, Таатта Ытык Күөлэ.
5. Александрова Анастасия, Ньурба.
6. Ильина Лия, Үөһээ Бүлүү.
7. Тимофеева Антонина, Ньурба Хатыыта.
8. Тертюхова Лаура, Сунтаар.
9. Ермолаева Алина, Чурапчы.
10. Степанова Лена, Амма.
11. Колодезникова Алена, Уус Таатта.
12. Афанасьева Айыына, Ньурба.
13. Дьяконова Надежда, Амма.
14. Николаева Анжелика, Үөһээ Бүлүү.
15. Простакова Анита, Бүлүү Халбаакыта.
16. Майоров Артур, Дьокуускай.
17. Иванова Күннэй, Бүлүү Хампата.
18. Саввинов Сарыал, Бүлүү, Хампата.
19. Михайлова Милана, Үөһээ Бүлүү Кэнтигиттэн.
20. Пак Жанна, Үөһээ Бүлүү, Кэнтик.
21. Иванова Василина, Үөһээ Бүлүү, Кэнтик.
22. Павлова Влада, Мэнэ Хаҥалас Маттатыттан.
23. Неустроева Ньургуйаана, Амма Алтаныттан.
24. Максимова Нюргуяна, Таатта Чымнаайытыттан.
25. Корнилова Снежана, Сунтаар Сиэйэтиттэн.
Балар истэригэр иккистэрин кыттар оҕолор эмиэ бааллар: Үөһээ Бүлүүттэн Эрика Базюк, Жанна Пак, Василина Иванова. Эрикалаах Василина миэстэлэһэ сылдьыбыттара.
Аны кынат буолар оҕолору билиһиннэрэбит:
1. Софронова Дарианна, Хоро, Үөһээ Бүлүү.
2. Мартынова Анастасия, Кириэстээх, Сунтаар.
3. Борисова Нарияна, Амма.
4. Данилова Виолетта, Хаҥалас.
5. Тараярова Асель, Кириэстээх, Сунтаар.
6. Шумилова Сайаана, Үөһээ Бүлүү.
7. Федорова Джулиана, Үөһээ Бүлүү.
8. Егорова Диана, Үөһээ Бүлүү.
9. Данилова Далаана, Ытык Күөл, Таатта.
10. Степанова Сайаана, Хампа, Бүлүү.
11. Васильева Галина, Хампа, Бүлүү.
12. Тарасова Анжелина, Кэнтик, Үөһээ Бүлүү.
13. Данилова Дария, Чуукаар, Ньурба.
14. Иванова Анатолина, Бэрдьигэстээх, Горнай.
15. Рожина Анастасия, Төлөй, Чурапчы.
16. Романова Олеся, Төхтүр, Хаҥалас.
17. Хоютанова Нария, Чымнаайы, Таатта.
18. Иванова Дана, Мукучу, Кэбээйи.
19. Никифорова Нарыйаана, Маалыкай, Ньурба.
20. Егорова Дарина, Өлүөхүмэ.
21. Попова Айыллаана, Дьохсоҕон, Таатта.
22. Николаева Розалина, Үөһээ Бүлүү
23. Яковлева Ксения, Хоро, Үөһээ Бүлүү.
Оһуохайдьыт оҕолорго настаабынньыгынан үлэлиир уһуйааччылар:
- Герасимова Розанна Васильевна, Үөһээ Бүлүү И.Барахов аатынан 1-кы нүөмэрдээх оскуолата.
- Николаева Нарыйаана Федотовна, Чурапчы улууһун Хайахсыт А.П. Илларионов аатынан оскуолата.
- Попова Лариса Анатольевна, Таатта улууһун Ытык Күөл А.И. Софронов-Алампа аатынан 1-кы №-дээх оскуолата.
- Семенова Хаар Захаровна, А.Д. Филиппов аатынан сынньалаҥ киинэ (Хоро, Үөһээ Бүлүү).
- Цыпандина Вера Прокопьевна, Нам А.Ф. Шестаков аатынан Норуот айымньытын дьиэтэ.
- Герасимов Кондратий Федотович, Үөһээ Бүлүү Н.И. Бойлохов аатынан Оҕо ускуустубатын оскуолатын Кэнтиктээҕи салаата.
Кинилэргэ култуура кэллиэһин устудьуоннара Куприянов Владимир, Быкалыров Степан, Афанасьев Владислав, Камилла Васильева көмөлөһүөхтэрэ.
Кыттааччылары 10 күн устата Саха сирин үтүөлээх оһуохайдьыттара төрүт үҥкүүбүт тылын этэргэ, сөпкө хаамарга, тэтими тутарга уһуйуохтара, араас ньымаларга, тута хоһуйарга үөрэтиэхтэрэ.
Күрэх 5 түһүмэҕинэн барыаҕа. Ону “Саха” НКИХ “Күн оһуохайын” күннүгэр сырдатан иһиэхтэрэ:
Оттон бастыҥы быһаарар түмүктүүр түһүмэх Төрөөбүт тыл уонна сурук-бичик күнүгэр (13.02.) киэһэ 19:00 чааска “Саха” НКИХ быһа эпииригэр буолуоҕа.
Кыайыылаах 100 тыһ. солк., оттон куоластааһын түмүгэр көрөөччү биһирэбилин ылбыт оһуохайдьыт 50 тыһыынча солкуобай харчынан наҕараадаланыахтара.
Хаартыскалары, видеону Л.А. Попова тиксэрдэ
