10 месяцев назад 582
Сахалыы ааҕыыны көҕүлүүр күрэхтэһиилэргэ кыттыҥ!
Төрөөбүт тыл уонна сурук-бичик күнүн көрсө, сылын аайы өрөспүүбүлүкэҕэ элбэх күөн күрэс ыытыллар. Олортон үөрэнээччилэргэ аналлаахтары билиһиннэрэбит.
«Ааҕар Саха сирэ» түмсүү саха норуотун үһүйээннэригэр, номохторугар олоҕурбут комикс (уруһуйунан айымньы) күрэҕин биллэрэр.
Күрэх сыала: саха үһүйээнин, номоҕун туһунан оҕо-ыччат билиитин хаҥатыы.
Соруктара:
- оҕо-ыччат сахалыы ааҕар сатабылын көҕүлээһин;
- саха төрдүн-ууһун, чулуу дьонун туһунан норуот айымньыларыгар кэрэхсэбили уһугуннарыы,
- оҕо өйгө оҥорон көрөр, уруһуйдуур, айар дьоҕурун сайыннарыы;
- төрөөбүт дойдуга таптал, киэн туттуу иэйиитин күүһүрдүү.
Күрэх матырыйаала:
Былыргы үһүйээннэргэ киирбит чулуу дьон олохторун, кэрэхсэбиллээх сырыыларын туһунан (Омоҕой, Эллэй, Тыгын Дархан, Майаҕатта Бэрт Хара, Ньырбачаан, Кээрэкээн, Туоҕа Баатыр, Бөрө Бөтүҥнэр уо.д.а.), уос номоҕо буолбут күүстээх, быһый дьон (Күүстээх Көстөкүүн, Мас Мэхээлэ, Күүстээх Уйбаан, Биэстээх Бочоох уо.д.а.) туһунан матырыйаал.
Кыттыы ирдэбилэ:
- V-XI кылаас оҕолоро кытталлар;
- эрдэ бэчээттэммэтэх, атын күрэххэ кыттыбатах сахалыы комикс-уруһуйдары олунньу 1 күнүттэн кулун тутар 31 күнүгэр диэри Nomokh@rambler.ru электроннай аадырыска тутабыт.
Кыттыы төлөбүрэ – 200 солк. 89681554817 (сбербанк онлайн). Комментарийга «оргвзнос» диэн суруллара наада.
Күрэххэ кыттар үлэ оҕо-ыччат кэрэхсиир, үһүйээн ис хоһоонун толору арыйар, үрдүк хаачыстыбалаахтык уруһуйдаммыт, тыла-өһө алҕаһа суох буолуохтаах.
Түмүгү таһаарыы:
Дьүүллүүр сүбэ састаабын тэрийээччилэр бигэргэтэллэр. Тэрийэр бөлөх киирбит үлэлэри түмэн, Дьүүллүүр сүбэҕэ туттарар.
Биһирэбилэ:
Бастыҥнарга Туоһу сурук уонна харчынан биһирэбил туттарыллар:
I үрдэл – 7 000 солк.
II үрдэл – 5 000 солк.
III үрдэл – 3 000 солк
Ону таһынан, биһирэбил бириистэр ананыахтара.
Сайаапка барыла:
- Кыттааччы аата, үөрэнэр оскуолата, улууһа, кылааһа.
- Төлөпүөн нүөмэрэ.
- Комикс аата.
«ХОБО ЧУОРААН-2025»
ааҕааччылар күрэхтэрин балаһыанньата
🔔Тэрийээччилэр:
✅- СӨ Норуот айымньытын дьиэтэ.
✅- Дьокуускай куорат култуураҕа уонна духуобунаска управлениета.
✅- Хатастааҕы «Тускул» култуура киинэ.
✅- П.Н. уонна Н.Е. Самсоновтар ааттарынан Хатас орто оскуолата.
🔔🔔🔔🔔🔔🔔🔔🔔🔔
Ыытыллар күнэ-ыйа, чааһа:
📌Олунньу 15 күнэ, 2025 сыл. 11:00 ч.
📌Ыытыллар сирэ: Хатас нэһилиэгэ, Хатас орто оскуолата.
🔔🔔🔔🔔🔔🔔🔔🔔🔔
Хоһоон тиэмэтэ: Кыайыы 80 сылыгар ананар, дойдуга бэриниилээх буолуу
🔶🔸🔶🔸🔶🔸🔶🔸🔶🔸
📌Хоһоону биирдиилээн эбэтэр күргүөм ааҕыахха сөп.
🔷🔹🔷🔹🔷🔶🔸🔶🔸🔶
Сыала-соруга:
- саха поэттарын айымньыларын үйэтитии;
- уус-уран ааҕыы сайдыытын көҕүлээһин;
- уран тыл күүһүнэн кыайыы, сэрии тиэмэтин арыйыы
♦️♦️♦️♦️♦️♦️♦️♦️♦️
Күрэх усулуобуйата:
📌Күрэхтэһээччи кыайыы, сэрии, дойдуга бэриниилээх буолуу туһунан биир хоһоонунан кыттар.
📌Күрэх очно уонна кэтэх (заочно) форманан ыытыллар. Хоһоон кэмигэр фоновай муусуканы тыаһатыахха сөп.
🔔🔔🔔🔔🔔🔔🔔🔔🔔🔔
Күрэххэ кыттааччылар сааһынан 3 сүһүөххэ арахсаллар:
📌1️⃣1. Оскуола иннинээҕи 3-6 сааһыгар диэри (оскуола иннинээҕи оҕолор ханнык баҕарар поэт хоһооннорун, араас тиэмэҕэ ааҕыахтарын сөп)
📌2️⃣2. Орто сүһүөх 7-10 сааһыгар диэри
📌3️⃣3. Улахаттар 11-17 сааһыгар диэри.
📌4️⃣4. 17 саастарыттан үөһэ.э.
🔔✅🔔✅🔔✅🔔✅🔔✅
Дьүүллүүр сүбэ сыаналыыр:
- ааҕааччылар толорор маастарыстыбаларын;
- сценаҕа туттууларын;
- уустаан-ураннаан ааҕыыны;
- композиция эбэтэр дьүһүйүү ис хоһоонун, туруоруутун.
🔸🔶🔸🔶🔸🔹🔷🔹🔷🔹
Тэрээһин боппуруостар:
✅Күрэх түмүгүнэн кыайыылаахтарга 1, 2, 3 степеннээх дипломнар;
✅анал ааттар;
✅кыттааччыларга барыларыгар туоһу сурук туттарыллаллар.
🔔🔔🔔🔔🔔🔔🔔🔔🔔
Тэрийии төлөбүрэ:
📌➡️биирдиилээн ааҕааччы – 300 солк.,
📌➡️күргүөм ааҕааччылартан – 200 солк. ирдэниллэр.
📌➡️Пушкин каартатынан төлөбүр көҥүллэнэр.
📌➡️Доруобуйаларынан хааччахтаах оҕолор уонна СВО-ҕа сылдьар төрөппүттээх оҕолор босхо кытталлар.
«ТЫЫННААХ ТЫЛ- 2025» ААҔААЧЧЫЛАР АҺАҔАС КҮРЭСТЭРЭ
1. Күрэс уопсай балаһыанньата.
«Тыыннаах тыл» ааҕааччылар күрэстэрэ Төрөөбүт тыл, сурук-бичик күнүн көрсө, Арассыыйаҕа Аҕа дойдуну көмүскээччи, Саха Өрөспүүбүлүкэтигэр Ийэ дойдуну көмүскээччи, Таатта улууһугар Кыайыы сылларыгар анаан, 2025 сылга VII төгүлүн ыытыллар.
Бырайыак ааптара – Арассыыйа суруналыыстарын сойууһун чилиэнэ, СӨ бэчээтин туйгуна Галина Полускина. Күрэс бу балаһыанньаҕа суруллубут тосхоллорго олоҕуран ыытыллар.
2. Күрэс сыала-соруга:
Күрэс сыала: саха литературатыгар, ааҕыыга үөрэнээччилэр, төрөппүттэр болҕомтолорун тардыы, оҕо төрөөбүт тылынан санаатын сатаан этэригэр үлэлэһии, төрөөбүт тылын байытыы.
Күрэс соруктара:
– оҕолору, ыччаты ааҕыы эйгэтигэр киллэрии;
– саха суруйааччыларын айымньыларын билиһиннэрии;
– оҕо, ыччат саҥарар дьоҕурун сайыннарыы.
3. Күрэс тэрийээччилэрэ:
– Таатта улууһун Тыараһа М.Н.Турнин аатынан орто оскуолата
– Л.Н.Турнин аатынан “Алгыс” норуот айымньытын дьиэтэ
– П.А.Ойуунускай аатынан Саха академическай тыйаатыра
4. Күрэс кыттааччылара:
БАСТАКЫ БӨЛӨХ: уһуйаан саастаах оҕолор (5-7 саастаахтар);
ИККИС БӨЛӨХ: I- iV кылаас үөрэнээччилэрэ;
ҮҺҮС БӨЛӨХ: V – XI кылаас үөрэнээччилэрэ;
ТӨРДҮС БӨЛӨХ: 18-23-гэр диэри саастаах ыччат дьон/
5. Күрэс усулуобуйата:
– Күрэскэ биирдиилээн кыттааччылар киирэллэр, бөлөҕүнэн ааҕыы көҥүллэммэт. Хас биирдии кыттааччы, ким да көмөтө суох, соҕотоҕун туран, айымньытын өйүттэн (нойосуус) ааҕан иһитиннэриэхтээх.
– Быйылгы күрэскэ кыттааччы Аҕа дойду Улуу сэриитигэр, тыылга үлэҕэ, Улуу Кыайыыга анаммыт, төрөөбүт дойдуга тапталы көрдөрөр (патриотическай) ис хоһоонноох айымньыларынан (сахалыы тылынан суруллубут) кыттара биһирэнэр.
– Ааҕыллар айымньы жанра булгуччу ПРОЗА (тэттик кэпсээн, сэһэнтэн, романтан быһа тардыы, кэпсээн быһыытынан суруллубут остуоруйа) буолуохтаах.
– Күрэскэ кыттыы сайаапкатын уонна айымньыны аахпыт устууну электроннай форматынан tyynnaah-tyl@mail.ru электроннай почтаҕа эбэтэр 89142332208 нүөмэргэ Telegram сыһыарыытын көмөтүнэн ыытаҕыт.
– Сүүмэрдиир түһүмэххэ киирэр устуу айымньыны толору ааҕыы буолбакка, быһа тардан, ааҕааччыны ордук арыйар түгэниттэн устуу буолара ирдэнэр. Ол эбэтэр уһуйаан саастаах оҕолор уонна алын кылаастар 1,5-2 мүн, орто сүһүөхтэн үөһэ 3-4 мүн буолуон сөп.
– Финалга талыллар түгэнигэр, кыттааччы быһа тардан аахпыт айымньытын толору, ис хоһоонун арыйар гына ааҕарга бэлэмнэнэн кэлиэхтээх. Ааҕыы уһуна 5-7 мүн. уһуо суохтаах.
– Кыттааччы айымньытын ис хоһоонугар сөп түбэһиннэрэн, музыкальнай инструмент, фоновай музыка, мал-сал туттуон сөп. Декорацияны туттуу булгуччута суох, сыанабылга киирбэт.
– Усунуос кыттааччыттан 300 солк.
6. Сайаапкаҕа ирдэбиллэр:
1. Кыттааччы толору аата-суола, үөрэнэр оскуолата, үөрэҕин кыһата, кылааһа, кууруһа (уһуйаан саастаах кыттааччы сааһа ыйыллар), үлэлиир тэрилтэтэ, төлөпүөнүн нүөмэрэ;
2. Ааҕар айымньытын аата, суруйааччытын аата;
3. Ааҕар айымньытын Word программаҕа бэчээттэммит текса (финалга киирэр түгэнигэр);
4. Салайааччы толору аата-суола, төлөпүөнүн нүөмэрэ;
5. Кыттааччы хаартыската ;
6. Усунуос төлөммүтүн туоһулуур чек.
7. Күрэһи ыытыы бэрээдэгэ:
Күрэс икки түһүмэҕинэн ыытыллыаҕа.
I түһүмэх – сүүмэрдиир.
Сүүмэрдиир түһүмэх кэтэхтэн ыытыллыаҕа. Үлэлэри тутуу болдьоҕо – 2025 сыл олунньу 1-11 күннэрэ (олунньу 11 күнүн киллэрэн туран). Киирбит үлэлэр, регистрацияны ааһан, дьүүллүүр сүбэҕэ анаан тэриллэр Телеграм-ханаалга угуллан иһиэхтэрэ, күрэс электроннай архыыбыгар хаалаллар. Дьүүллүүр сүбэ бастыҥнары талан, олунньу 13 күнүгэр финалистар ааттара биллиэҕэ.
II түһүмэх – түмүктүүр.
Түмүктүүр түһүмэххэ (финалга) дьүүллүүр сүбэ көрүүтүнэн үрдүкү сыанабылы ылбыт кыттааччылар ыҥырыллыахтара. Түмүктүүр түһүмэх ыытыллар күнэ-дьыла, миэстэтэ чопчуланыаҕа.
8. Сыанабыл туруутугар көрүллэллэр:
Хас биирдии кыттааччы үлэтэ критерийдэринэн муҥутаан улааппыта “10” баалынан сыаналанар.
* айымньыныны үөрэтиитэ (нойосуустааһын);
* ыраас саҥа (четкость речи), интонация, тэтим;
* ааҕыы маастарыстыбата, артыыстааһын,
* айымньы ис хоһоонун арыйыы;
* сценическэй култуура (таҥаһа-саба, туттан-хаптан турара, төһө хомуллуулааҕа).
Дьүүллүүр сүбэ састааба күрэх тэрийээччилэринэн быһаарыллар.
Күрэҕи сыаналааһын үлэтэ барыта боротокуолга тиһиллэр, түмүк иккистээн көрүллүбэт.
9. Устууга ирдэбил:
Видео формата: МP4, кыттааччы көрүүтүттэн туруору да, сытыары да буолуон сөп. 10. Түмүгү таһаарыы.
Бары кыттааччыларга уонна салайааччыларга Туоһу сурук туттарыллар.
Хас бөлөх ахсын дьүүллүүр сүбэ 6 бириистээх миэстэни таһаарар (I, II, III степеннээх лауреаттар и I, II, III степеннээх дипломаннар). Бары кыттааччылары көрүү түмүгүнэн биир муҥутуур кыайыылаах ГРАН-ПРИ быһаарыллар. Ону сэргэ анал ааттар баар буолаллар.
Күрэх наҕараадалара:
Бастакы БӨЛӨХ
– I СТЕПЕННЭЭХ ЛАУЕРАТ – КУБОК+ГРАМОТА+ПРИЗ;
– II СТЕПЕННЭЭХ ЛАУЕРАТ – КУБОК+ГРАМОТА+ПРИЗ;
– III СТЕПЕННЭЭХ ЛАУЕРАТ – КУБОК+ГРАМОТА+ПРИЗ;
– I СТЕПЕННЭЭХ ДИПЛОМАНТ – КУБОК+ГРАМОТА + ПРИЗ;
– II СТЕПЕННЭЭХ ДИПЛОМАНТ – КУБОК+ГРАМОТА + ПРИЗ;
– III СТЕПЕННЭЭХ ДИПЛОМАНТ – КУБОК+ ГРАМОТА + ПРИЗ;
Иккис БӨЛӨХ
– I СТЕПЕННЭЭХ ЛАУЕРАТ – КУБОК+ГРАМОТА+3000 солк.;
– II СТЕПЕННЭЭХ ЛАУЕРАТ – КУБОК+ГРАМОТА+2000 солк.;
– III СТЕПЕННЭЭХ ЛАУЕРАТ – КУБОК+ГРАМОТА+1000 солк.;
– I СТЕПЕННЭЭХ ДИПЛОМАНТ – КУБОК+ГРАМОТА + БИРИИС;
– II СТЕПЕННЭЭХ ДИПЛОМАНТ – КУБОК+ГРАМОТА + БИРИИС;
– III СТЕПЕННЭЭХ ДИПЛОМАНТ – КУБОК+ ГРАМОТА + БИРИИС.
Үһүс БӨЛӨХ
– I СТЕПЕННЭЭХ ЛАУЕРАТ – КУБОК+ГРАМОТА+3000 солк.;
– II СТЕПЕННЭЭХ ЛАУЕРАТ – КУБОК+ГРАМОТА+2000 солк.;
– III СТЕПЕННЭЭХ ЛАУЕРАТ – КУБОК+ГРАМОТА+1000 солк.;
– I СТЕПЕННЭЭХ ДИПЛОМАНТ – КУБОК+ГРАМОТА +БИРИИС;
– II СТЕПЕННЭЭХ ДИПЛОМАНТ – КУБОК+ГРАМОТА + БИРИИС;
– III СТЕПЕННЭЭХ ДИПЛОМАНТ – КУБОК+ ГРАМОТА + БИРИИС;
Төрдүс БӨЛӨХ
– I СТЕПЕННЭЭХ ЛАУЕРАТ – КУБОК+ГРАМОТА+3000 солк.;
– II СТЕПЕННЭЭХ ЛАУЕРАТ – КУБОК+ГРАМОТА+2000 солк.;
– III СТЕПЕННЭЭХ ЛАУЕРАТ – КУБОК+ГРАМОТА+1000 солк.;
– IСТЕПЕННЭЭХ ДИПЛОМАНТ – КУБОК+ГРАМОТА + БИРИИС;
– II СТЕПЕННЭЭХ ДИПЛОМАНТ – КУБОК+ГРАМОТА + БИРИИС;
– III СТЕПЕННЭЭХ ДИПЛОМАНТ – КУБОК+ ГРАМОТА + БИРИИС;
ГРАН-ПРИ – КУБОК+ГРАМОТА+10000 солк.;
СПОНСОРДАР УОННА ПАРТНЕРДАР АНАЛ ААТТАРЫН ЫЛБЫТ КЫТТААЧЧЫЛАР дипломунан, бириистэринэн наҕараадаланаллар.
Билсэр төлөпүөҥҥүт, whatsapp: 89142332208 Полускина Галина Ивановна
Электронный аадырыс: tyynnaah-tyl@mail.ru
