Тирии мээчиги күөрэтэн, астык оонньууну көрдөрөн

Ахсынньы 18 күнүгэр Илбэҥэ сэлиэнньэтигэр А.Е. Алексеев аатынан «Эрэл» спортивнай саалатыгар Арассыыйаҕа Дьиэ кэргэн, Саха сиригэр Оҕо саас, Баппаҕаайы оскуолатын 95 сылларыгар анаммыт волейбол регионнааҕы күрэҕэр 3 улуус оскуолаларын спортсменнара муhуннулар: Үѳһээ Бүлүү улууһуттан Д.Е. Корякин аатынан оҕо спортивнай оскуолата, Горнай улууhуттан А.А. Агеев аатынан оҕо спортивнай оскуолата, Бэрдьигэстээх гимназията, Кэптин, Орто Сурт оскуолалара, Бүлүү улууhуттан Бүлүүтээҕи оҕо спортивнай оскуолата, Хампа, Лѳкѳчѳѳн, Баппаҕаайы оскуолалара. Барыта 15 хамаанда, итинтэн 7-тэ – кыргыттар хамаандалара, 8-һа – уолаттар.

Күрэхтэһэ кэлбит ыалдьыттары сахалыы сиэринэн кѳрсѳн, айах тутан көрүстүбүт, ситиһиилээх оонньууну баҕаран, алгыс тыллар этилиннилэр.

Ѳрѳ күүрүүлээх оонньуу түмүгэр уолаттарга:

Кыргыттарга үс бастыҥ:

АНАЛ ААТТАР:

“Лучший игрок” – Ноговицын Максим (Бэрдьигэстээх ДЮСШ), Алексеева Элина (Үөһээ Бүлүү).

“Лучший нападающий” – Федоров Альберт (Бүлүү ДЮСШ), Рада Яковлева (Баппаҕаайы оскуолата).

“Лучший разыгрывающий” – Алексеев Саян (Лѳкѳчѳѳн), Саввина Инна (Бэрдьигэстээх ДЮСШ).

“Лучший блокирующий” – Данилова Мичийээнэ (Баппаҕаайы) Парникова Карина (Бүлүү ДЮСШ).

“Самый результативный игрок” – Попов Иван (Орто Сурт), Максимов Семён (Бэрдьигэстээх гимназията).

“Самый юный игрок” – Иванов Дамир, Степанова Сандаара (Баппаҕаайы).

“Полезный игрок” – Григорьева Сайыына, Тимофеев Арсен (Кэптин оскуолата), Семёнов Тимур (Хампа), Платонов Альберт (Баппаҕаайы).

“За волю к Победе” – Цыпандина Евгения (Хампа).

“Самый результативный игрок” – Иванов Дьулусхан (Баппаҕаайы).

Маннык улахан күрэхтэр спонсора суох ыытыллыбаттар. Бириистэри туруордулар: олохтоох дьаһалта (Е.А. Николаев), Баппаҕаайы амбулаторията (А.М. Харлампьева), Алаһа» СК (В.В. Харлампьева), нэһилиэк библиотеката (А.М. Сидорова), ОДьКХ (Э.В. Степанов), бэтэринэриийэ пууна (Д.Н. Прокопьева), “Якутскэнергосбыт” (А.Н. Тарасов), Сибойл» заправка (К.Х. Харлампьев), “Саханефтегазсбыт” (Дь.А. Дьячковскай), Силис» маҕаһыын (Н.Н. Алексеев), «Махтал» маҕаһыын (Р.Д. Яковлева), «Любимый» маҕаһыын (Р.Н. Петрова), Мария» чаайынай (Д.Н. Егорова), нэһилиэк спорка кѳхтѳѳх ыала Нь.М. уонна А.И. Яковлевтар, спорт бэтэрээнэ А.А. Николаева, Баппаҕаайы оскуолатын учууталлара М.К. Иванова, А.И. Матвеева, Д.М. Иванов, М.И. Афанасьева, «Алаһа» СК специалиһа ДА. Данилова. Кинилэргэ оскуола кэлэктиибэ, тэрийээччилэр улахан махталларын биллэрэллэр.

Күрэхтэhиини оскуола дьаһалтата, физкультура учуутала М.К. Иванова, эбии үѳрэхтээһин педагога М.И. Афанасьева сүүрэн-кѳтѳн тэрийдилэр.

Баппаҕаайы М.А. Алексеев аатынан оскуолатын физкультураҕа учуутала, волейболга тренерэ Иванова Мария Константиновна күрэхтэһии кэннэ санаатын үллэһиннэ:

Бу күрэххэ тэрийсибит, күүс-кѳмѳ буолбут, чѳл олоҕу пропагандалаан, оҕолорбутун ѳйѳѳн спонсордаабыт дьоммутугар, тэрилтэлэригэр уонна кэлэн кыттыбыт, чаҕылхай күрэҕи кѳрдѳрбүт Горнай, Үѳһээ Бүлүү, Бүлүү хамаандаларыгар махталбытын тиэрдэбит. Баҕарабыт баҕа санаа бастыҥын, санаабыккыт сатаннын, толкуйдаабыккыт туоллун, чэгиэн доруобуйаны, үөрэххитигэр, үлэҕитигэр ситиһиини, дьолу.