Ил Дархан истипиэндьийэтин туоһу суругун туттулар - Блоги Якутии

3 месяца назад 1190

Ил Дархан истипиэндьийэтин туоһу суругун туттулар

Олоҥхо күнүн көрсө, Ил Дархан Айсен Николаев олоҥхону толорооччуларга, оһуокай тылын этээччилэргэ, тимир уустарыгар, норуот маастардарыгар анал истипиэндьийэтин туттарда.

Үгэс буолбут төрүт дьарыкпытын, култуурабытын илдьэ, сайыннара, тарҕата, уһуйа сылдьааччыларга Ил Дархан ис сүрэҕиттэн махтанна. Кини сайдыы балысханнык барар бу тэтимнээх кэмигэр, күннэтэ уларыйа турар аан дойдуга төрүт култуурабытыгар тирэниэхтээхпитин тоһоҕолоон эттэ. Ол иһин кэнники сылларга бу эйгэҕэ болҕомто уураллара өссө улааппытын бэлиэтээтэ. Ол курдук,  Олоҥхо дьиэлэрин тэрийии, Олоҥхо ыһыаҕын сайын ахсын ыытыы, Оһуокай күнүн олохтооһун курдук дьоһуннаах дьаһаллар көдьүүстээх буолуохтарын бигэргэттэ.

Оннук көҕүлүүр дьаһаллартан биирдэстэрэ – Ил Дархан былырыын олохтообут истипиэндьийэтэ. Дьэ, быйыл биир сыл устата ый ахсын 30 тыһыынча солкуобай суумалаах биһирэм төлөбүрү кимнээх ылар чиэскэ тигистилэр?

ОҺУОКАЙ ЭТЭЭЧЧИЛЭР

 АЛЕКСЕЕВ Афанасий Егорович, Бүлүү улууһа
АЛЕКСЕЕВА Дария Егоровна, Горнай улууһа
ИВАНОВ Роман Данилович, Сунтаар улууһа
КАРАМЗИН Николай Кузьмич (туоһу суругун Нөөрүктээйи нэһилиэгин оһуокай түмсүүтүн салайааччыта Нина Ивановна Колесова тутта), Мэҥэ Хаҥалас улууһа
МОРФУНОВ Семен Семенович, Чурапчы улууһа
НИКОЛАЕВА Марта Тимофеевна, Сунтаар улууһа
ТИХОНОВА Розалия Михайловна (туоһу суругун кыыһа Евгения Владимировна Гапанович тутта), Ньурба улууһа

ТИМИР УУСТАРА

БОРИСОВ Устин Николаевич, Мэҥэ Хаҥалас улууһа
БИЛЮКИН Сарыал Константинович, Таатта улууһа
ЛУКОВЦЕВ Петр Аркадьевич, Таатта улууһа
СКРЯБИН Алексей Петрович, Амма улууһа
ФЕДОРОВ Егор Петрович, Бүлүү улууһа
ЧЕМЧОЕВ Реворий Гаврильевич, Бүлүү улууһа

НОРУОТ МААСТАРДАРА

БОРИСОВ Пантелеймон Михайлович, Үөһээ Бүлүү улууһа
ВАСИЛЬЕВА Варвара Тихоновна, Уус Алдан улууһа
ЕГОРОВ Петр Петрович, Мэҥэ Хаҥалас улууһа
МАРКОВ Федор Иванович (туоһу суругун кыыһа Маркова Сайыына Федоровна тутта), Дьокуускай
САВВИНОВ Владимир Иванович, Ньурба улууһа
СЕДАЛИЩЕВА Ольга Егоровна, Чурапчы улууһа
СЕРГЕЕВА Анна Федоровна (туоһу суругун сиэнэ Былкова Анна Федоровна тутта), Өлөөн улууһа

ОЛОҤХОҺУТТАР

АВЕЛОВА Анфиса Павловна (туоһу суругун Данилова А.Н. тутта), Томпо оройуона
ГРИГОРЬЕВА Маргарита Егоровна, Бүлүү улууһа
ГРИГОРЬЕВ Иван Алексеевич (туоһу суругун сиэнэ Ольга Алексеевна Григорьева тутта), Мэҥэ Хаҥалас улууһа
ГРИГОРЬЕВ Николай Никитич, Чурапчы улууһа
НИКОЛАЕВ Алексей Николаевич, Таатта улууһа
ОСЕНИНА Дарья Михайловна, Уус Маайа улууһа

СӨ үтүөлээх учуутала, СӨ үөрэҕириитин туйгуна, олоҥхоһут, Ил Дархан стипендиата, ыччаты олоҥхоҕо уһуйар маастар, Олоҥхо тыйаатырын үлэһитэ Никандр Прокопьевич ТИМОФЕЕВка (Сунтаар) үйэ-саас бэриллэр истипиэндьийэни анаатылар.

Ытык киһибит харда тылыгар Сэмэн Данилов “Оҕо олоҥхото” диэн хоһоонун алгыс курдук ааҕан иһитиннэрдэ.

Добавить комментарий