11 месяцев назад 692
Туруҥ, туруҥ! Туойуҥ!
Саха Өрөспүүбүлүкэтигэр Педагог уонна уһуйааччы сылынан, П.А. Ойуунускай төрөөбүтэ 130 сылынан, Ойуунускай айымньыларын уус-уран ааҕыы “Туруҥ, туруҥ! Туойуҥ!” диэн өрөспүүбүлүкэтээҕи күрэҕэ биллэриллэр.
БАЛАҺЫАННЬАТА
Тэрийээччилэр: Өксөкүлээх Өлөксөй аатынан Норуоттар доҕордоһууларын дьиэтэ, Саха Сирин суруйааччыларын сойууһа, «Таатта» уопсастыбаннай түмсүү.
Күрэс сыала-соруга: Былатыан Ойуунускай айар үлэтин үйэтитии, уус уран ааҕыыга угуйуу.
Ыытыллар болдьоҕо: алтынньы 6 күнүттэн сэтинньи 5 күнүгэр диэри үлэлэри тутуу.
Сэтинньи 6-9 күннэригэр дьүүллүүр сүбэ кыттааччылар үлэлэрин көрөр.
Сэтинньи 11 күнүгэр — түмүк http://ddnykt.ru/ сайтка тахсар.
Күрэс ирдэбилэ: күрэскэ биирдиилээн эбэтэр бөлөҕүнэн айымньы ааҕыытын видеоҕа (МР4 киэпкэ) сытыары устан, Sareda1@yandex.ru электроннай почтаҕа ыытыллар.
Кыттааччылар үс бөлөххө арахсаллар:
I бөлөх: оскуола оҕолоро;
II бөлөх: эдэр ыччат (18-35 диэри);
III бөлөх: аҕа саастаах көлүөнэ (36-тан үөһээ).
Сүрүн ирдэбиллэр:
— айымньыны иэйиилээхтик толоруу;
— хомоҕойдук уонна чуолкайдык ааҕыы;
— кыттааччы айымньыга сөптөөх таҥаһа-саба;
— ааҕар уратытын сыаналааһын.
Дьүүллүүр сүбэ:
Саха норуодунай суруйааччыта, СӨ култууратын үтүөлээх үлэһитэ, П.А.Ойуунускай аатынан СӨ Судаарыстыбаннай бириэмийэтин лауреата Семен Андреевич Попов-Сэмэн Тумат;
Саха норуодунай суруйааччыта, СӨ үтүөлээх артыыһа, П.А.Ойуунускай аатынан СӨ Судаарыстыбаннай бириэмийэтин лауреата Елена Васильевна Слепцова-Куорсуннаах;
Саха Сирин суруйааччыларын сойууһун бэрэссэдээтэлэ, «Чолбон» сурунаал бас эрэдээктэрэ Гаврил Гаврильевич Андросов-Хабырыыс Ондороос;
Арассыыйа Судаарыстыбаннай бириэмийэтин лауреата, СӨ үтүөлээх артыыһа, Таатта уонна Баайаҕа нэһилиэгин бочуоттаах олохтооҕо Иннокентий Егорович Луковцев.
Наҕараадалааһын: I, II, III истиэпэннээх лауреаттар, I, II, III истиэпэннээх дипломаннар, анал бириистэр. Хас биирдии кытааччыга туоһу сурук ыйыллыбыт электроннай почтаҕа ыытыллар.
Анкета толоруута:
Кыттааччы толору аата _________
Салайааччы аата _______________
Айымньы аата _____________________
Кыттааччы сааһа ___________________
Олорор сирэ _______________________
Төлөпүөнүн нүөмэрэ__________________
Электроннай почтата __________________
*Билсэр нүөмэргит (ватсабынан): Старостина Александра Егоровна 89142326060
