1 год назад 548
Улуу убайбытын уруйдаан
П.А. Ойуунускай төрөөбүтэ 130 сылынан Дьокуускайга Таатта күннэрэ буола тураллар.
Таатта улууһун дэлэгээссийэтэ уонна Дьокуускайга олорор биир дойдулаахтар Былатыан Ойуунускай пааматынньыгар сибэкки дьөрбөтүн уурдулар.
Улуус салалтатын аатыттан баһылык солбуйааччыта Иван Потапов эҕэрдэлээтэ. Дьаһалта үлэһиттэрэ, тэрилтэ салайааччылара Ойуунускай хоһооннорун аахтылар.
“Таатта” уопсастыбаннай түмсүүттэн Гаврил Андросов Ойуунускай бу мэҥэ өйдөбүнньүгэ турар болуоссатыгар кини аата иҥэрэллэрин ситиһиэх тустаахпытын эттэ.
Сүдү киһибитигэр сүгүрүйүү тэрээһинэ Уйбаан Потапов улуу убайбытын уруйдуур тыллардаах, таатталардыы хаамыылаах оһуохайынан түмүктэннэ. Саха тыйаатырын артыыстара сахалыы таҥастаах кыттаннар, тэрээһини киэргэттилэр.
