2 года назад 515
Үтүө санаа туһунан үтүө сонун
Балыктаахтар эйэлээх олох туһугар байыаннай дьайыыларга туруулаһа сылдьар хорсун санаалаах биир дойдулаахтарын чугас дьонноругар, дьиэ кэргэттэригэр “Үтүө санаа долбуура” аахсыйанан бородуукта нобуорун бэлэх ууннулар.
![](https://blogi.nlrs.ru/wp-content/uploads/2023/02/8ae3a273-81d6-469a-8c50-d05a7aacb602-1-1024x576.jpeg)
![](https://blogi.nlrs.ru/wp-content/uploads/2023/02/18cc8d20-f632-40fd-9e0d-05d493e465cf-1024x576.jpeg)
Нэһилиэк олохтоохторо бу аахсыйа ыҥырыытын биир санаанан өйөөннөр, Аҕа дойдуну көмүскээччи күнүн көрсө, олунньу 20-22 күннэригэр баһаам бородууктаны хомуйдулар. “Сайдыы” маҕаһыыҥҥа аналлаах долбуурдарга аҕалан уурдулар.
![](https://blogi.nlrs.ru/wp-content/uploads/2023/02/7b8609b5-12d4-44f8-bbe5-8d1a7e724506-1024x768.jpeg)
Онон Балыктаах дьоно Арассыыйа Федерациятын Сэбилэниилээх Күүстэрин кэккэтигэр сылдьар мобилизованнайдарбыт, доброволецтарбыт, контрактниктарбыт дьиэ кэргэттэригэр туох кыалларынан күүс-көмө буоллубут.
![](https://blogi.nlrs.ru/wp-content/uploads/2023/02/d35812d2-5765-4dc5-9330-bc7b3d54000b-768x1024.jpeg)
Бу аахсыйаны “Арчы” түмсүү чилиэттэрэ Рожина Надежда Федоровна (салайааччы), Ноговицына Марфа Иннокентьевна, Чукрова Дария Григорьевна, Осипова Надежда Константиновна, Дьяконова Евдокия Васильевна, Говорова Ангелина Николаевна, Захарова Римма Николаевна, Семёнова Мария Матвеевна, “Сайдыы” маҕаһыын, Кычкин Валерий Васильевич тэрийдилэр.
![](https://blogi.nlrs.ru/wp-content/uploads/2023/02/37d06635-a476-4526-a2d1-0cfcda52ca4c-576x1024.jpeg)
Олунньу 25 күнүгэр Петр Семенович, Татьяна Николаевна Никитиннэргэ ыччаттарбыт Шепелев Вадим, Винокуров Андрей, Докторов Андрей булуустарыгар муус уктулар.
![](https://blogi.nlrs.ru/wp-content/uploads/2023/02/3e33c62a-3318-4562-9a4e-c37cb44b9529-769x1024.jpeg)
Биһиги эдэр ыччаттарбыт өрүүтүн даҕаны ити курдук саастаах ытык мааны дьоммутугар тиийэн көмөлөһөллөрө хайҕаллаах дьыала.
![](https://blogi.nlrs.ru/wp-content/uploads/2023/02/3e0490c4-353d-48b1-9442-aa23cb80e077-769x1024.jpeg)
Ыччат лиидэрэ Нарыйа Докторова ыччаттары тула түмэн, үлэтэ өссө далааһыннанан истин!
Мария Захарова,
Балыктаах, Мэҥэ Хаҥалас