эр киһи сыта - Блоги Якутии
Архив автора

6 лет назад 62

эр киһи сыта


бу сарсыарда, сүрэҕэлдьээн, дьыссаакка дылы такси сакаастаатыбыт…



онтукпут, хата, 5 да мүнүүтэ буолбакка номнуо тиийэн кэллэ. айманан-сайманан саккыраһан тахсыбыппыт, атыыр оҕус кэриэтэ, модьу, ыраас массыына кэлэн турар эбит. дьэ, биһиги үөрэ-көтө олордохпут дьи) түргэн баҕайытык кэллэ диэн.


суоппарбыт нуучча, элэккэй, кэпсээннээх киһи буолан биэрдэ. биһиги да хаалсыбатыбыт)) олоҕу-дьаһаҕы, күнү-дьылы ырытан дьыссааппытыгар дылы начаас тырылатан тиийдибит. харчыбытын төлөһөн баран тахсан бардыбыт.


арай оҕом өрө тыынан баран:


– үчүгэй баҕайы сыттаах массыына, – диэтэ.


мин суумкаларбын, фотоаппарааппын сыымайдыы сылдьар буоламмын өйдөөн истибиккэ:


– туох диигин? – диэн ыйыттым. ону оҕом:


– массыына барыта дьээдьэ сыта ди. наһаа үчүгэй сыттаах массыына, – диэн хардарда.


айууу! испэр дэлби күллүм))) сорох киһи оол аайы массыына сытын ыла олорор диэн өй да суох) арай өйдүүрбүнэн, биллэр-биллибэт лосьон ду, одеколон ду сыта баар этэ. арааската, суоппар сарсыарда бытыгын игин хорунан баран сирэйин тугунан эрэ соттубута буолуо. бэйэтэ да ыраас киһи буолан, туох да атын туора сыт баара биллибэккэ дылы этэ) онон, чахчы, массыына иһэ эр киһи эрэ сытынан туолбута буолуо) ону сыттыы олорботох буоллаҕым дьи.


эр киһи сыта диэбиккэ дылы… биир билэр дьахтарбын санаан ыллым)


соҕотох, биир уол оҕолоох, олүс көрдөөх дьахтар) тоҕо кэргэн тахсыбаккын диэн кэпсэтиигэ биирдэ дэлби күллэрбитэ:


– эр киһи сытын абааһы көрөбүн! дьиэм иһигэр эр киһи сытын олох тулуйуом суоҕа этэ. өссө эбиитин суорҕаным анныгар утуруктуо буоллаҕа дьи? па да па!


биһиги оол аайы күлэн төкүнүйүү)))


онон эр киһи сытын сөбүлүүр-сөбүлээбэт диэн эмиэ баар буолар эбит)



#сахалыы


#Дьокуускай


#сахалыыТатыйык


#матюня

Добавить комментарий