тоҕо эрэ бу темаҕа суруйуохпун баҕардым)

Песчинканы

ааҕан баран, маннык түгэннэри санаан кэллим…

---

тус бэйэм бэрт наһаа оҥостор дьахтар буолбатахпын э. дьон ортото дьону куттаабат гына көрүҥнээх буоллум да миэхэ сөп))

оол да буоллар син биир, дьахтар буоламмын – биирдэ эмит ис-испиттэн оҥостуох санаам кычыкаланан тахсан, көбөн кэлэр. оол туһунан бэйэм сырыыларбыттан кэпсиим…

бастакы түгэн – хаас уруһуйдатыы

дьэ, хаас диэни олох уруһуйдаммат бэйэм, тоҕо эрэ, биир сайын дэлби оҥостуох санаа кэллэ) саатар, биһиги дьахталлар солумсахпыт да бэрт, тула өртүттээн бары чэй иһэ-иһэ хаас оҥостубуттарын хайҕаан-кэпсээн бардахтарына “да-аа?” диэбитинэн “очо мин эмиэ!” диэн санаа кыым курдук начаас умайан тахсар ди))) хайыыр да кыах суох) нууччалыы эттэххэ – держите меня семеро диэн буолар.

чэ, бобШем, хааспын оҥотторор буоллум… билэр кыыһым Валюша – визажист, бэйэтэ салоннаах игин, салоонун улэлэппитэ ыраата, онно суруйтаран биир күн ойон тиийдим.

татуаж диэнтэн сэрэхэчийдим, иннэ гынан көннөрү хнаанан сотторуом диэтим.

дьэ, кыыһым сиэркилэ иннигэр олордон, бастаан хааһым быһыытын тупсарда – ыларын ылла, туурарын туурда. быыһыгар кыптыыйданна игин. айка да, олох парикмахерскайга олоробун дуу диэтим э. били остуоруйалаах киинэлэргэ хаастара супту үүнээн хаалбыт тыа абааһылара баар буолааччылар бытта, оннук курдук сананным бэйэбин… хайдах эрэ соччото суох курдук этэ)

дьэ, оол кэнниттэн Валюшам били хнаалах паачкаларын хайа тардан, туох эрэ эмп курдугунан убатан, хааһы курдук оҥордо. уо.оол хааһынан хааспын соппутунан барда. сатабыллаах киһи, сып-сап сотон бүтэрдэҕэ дьи.

– чэ, кыратык кэтэһэбит, – диэтэ.

уааай! сиэркилэҕэ көрүммүтү-үүм, сүүспэр, арай, ньамах курдук биһиллибит аҕай!

– уай-дыыы… бу тугуй, Валюша?

– э, ити крааска ди, иҥэрин кэтэһэбит, – диэн уоскутта.

– һуу, хата иннэ диэ)

– бүгүн дууштаммаккын, ваанналаммаккын. сирэйгин суунаргар хааскын тыыта сатаама, – диэн сүбэлээтэ.

– э, сөп, сөп! – истигэним диэн сүрдээх – мантыкам хас күн сылдьара буолуой?

– киһи киһи араас буоллаҕа дьи, – Валюшам саннытынан хамсатан ылар – тириин хайдах пигментацияны ылынарыттан… уон хонук точно сылдьыа. онтон бэйэҕиттэн тутулуктаах: 2 нэдиэлэ сырыттаҕына үчүгэй. 3 да нэдиэлэ сылдьыан сөп. оол аата 21 хонук.

о, метаболиизымым сүрдээх түргэн э диэн испэр хомойдум… тириим хнааны начаас сиэн хачыгыратара буолуо…

дьэ, онтон сотору соҕус Валя эмиэ бэйэтин диэки эргитэн баран, аны хааһым кырааскатын сууйан-сотон барда.

син балайда олордум… испэр үөрэбин аҕай: наһаа үчүгэй ди-иии! икки нэдиэлэ кэриэтэ хаас уруһуйданар кыһалхаттан төлүрүйэбин диэн) олох меШта ди! барахсан, онтон атын кыһалхата суох киһи курдук… :D

дьэ, Валюшам сууйан-сотон бүттэ. кыратык туох эрэ арыынан ду, тугунан эрэ бистэ игин уо.”көрүн!” диэбиттии сиэркилэ диэки эргиттэ.

ва-ааай! дьол три тыЩши! бастаан тута, хайдах эрэ, бэйэбин атыҥыраатым игин)) броЧчта хаастах дьахтар олорор дьи диэммин.

көрдөхпүнэ, хааһым быһыыта наһаа үчүгэй, табыллыбыт аҕай, бэйэм киэним курдук)) арай эрэ, наһаа хараҥа, хап-хара баҕайы курдук… сэрэнэн ыйыталастым тоҕо оннугуй диэн… онтум бастакытыгар эрэ инник буолар эбит, сарсыҥҥыттан симилийэн барыа диэн Валюшам уоскутта уо.бүгүн олох тыытыма диэн эмиэ сэрэттэ.

чэ, бэрт! кыыспын олох сыллаан ыллым игин) үөрүүм диэн сүр! оол да буоллар, таһырдьа тахсарым саҕана хааспын (сүрэ бэрт!)пуудранан тамнааттаан, арыый саппаҕырдан биэрбитим…

уо.почти (!) биир ый курдук уруһуй хаастаах сырыттым э) бутэһик күннэргэ, олох сүтэр түгэнигэр хараандааһынан уруһуйдаан эбэ сылдьыбытым. өссө барыахпын – наһаа сүрэҕэ суох дьахтарбын… ый аайы оннук сылдьыахха диэн санаатахпына, олох тутатына воспаление сачковой железы буолабын… иннэ гынан барбатаҕым)

иккис түгэн – шеллак

хас да сыллааҕыта шеллак саҥа күөдьүйэн кэлбитигэр, олох наадыйбакка сылдьыбытым э… сатаан оҥостуу тыҥырахтаах сылдьыбатым чахчы. араас кыраасканан туттабын, морилкалыыбын, растворитель бөҕөнү булкуйабын. аны тиэстэ мэһийэрбэр уһун тыҥырахтаах үлэлиирбин олох абааһы көрөбүн! муоста сууйарбар илиинэн наар сууйабын, шваабраны билиммэппин… онно эмиэ тыҥырах кэбилэнэр. уопсайынан даҕаны, элбэх оҕолоох ийэ илиитэ улэһит буоларыгар тиийэр буоллаҕа дьи… атын дьахталлар оҥостуу тыҥырахтаах хайдах дьиэ үлэтин үлэлииллэрин өйүм хоппот)

оол да буоллар, атаҕым тарбахтарын, тыҥырахтарын, атаҕым тилэхтэрин ынырыктык көрунэбин, тоҕо эрэ))) хаһаан эрэ, оҕо сылдьан, Софи Лорен этиитэ өйбөр хаалан хаалбыт: дьиҥнээх дьахтар атаҕын тилэҕэ кыһыл оҕо киэнин курдук буолуохтаах диэн. оол иһин атахпар туох да чэр диэн суох, кир-хах сыстарын абааһы көрөбүн. дьэ, илиим оннугар, оол кэриэтэ, атаҕым тыҥырахтарын лаахтанарбын сөбүлүүбүн) санаабар, уһун-көнө тарбахтарым, лаахтаннахпына, өссө тупсаҕай көрүҥнэнэн биэрллэр) оол тарбахтарбын рекламаҕа да уһулуохха сөп, ииндиигинда))

дьэ, оол курдук сырыттым. шеллак эрэ, туох эрэ… ону биир сайын (эмиэ сайын!) биир дьүөгэм эдьиийигэр шеллак оҥотторбутун туһунан кэпсии олорон, “онтон атаххар оҥоттор э”, – диэтэ. бүттүбүт… кырдьык даҕаны! атахпар уһуннук сылдьыа буолаҕа дьи диэн  үөрдүм аҕай… дьэ, уо.оол дьүөгэм эдьиийигэр тута онно телефоннаан, уочаракка суруйтардым.

анаммыт күҥҥэ тиийэн кэллим. сайын диэбитим ди, куйаас бөҕө. мин сандалиялаахпын. атаҕым тыҥыраҕын лааҕын оол иннинээҕи күн соттон кэбиспитим – уо.бэйэбин олох сыгынньах курдук санана сырыттым))

кэллим. “здравствуйте, мин суруйтарыынан”. “сөп, сөп, манна киир”. улахан баҕайы креслоҕа олордон баран, атахпын пеналаах ууга “сиигитэбит” диэн уган кэбистилэр)

атахпын сууйалларыгар, кыратык балдеейдаан ыллым игин)) онтон, дьэ, тыҥырахпар саба түстүлэр…

бастаан быһыы-таһаа оҥордулар, онтон син оноһуулаах буоллаҕа дьи, көннөрү тириитин ыраастаатылар игин быһылаах, онтон тугунан эрэ үрүт үрдүгэр сот да сот, аппаракка уга-уга куурт да куурт буоллулар. мин, одьэ, хаһаан лаахтыылларыый диэн кэтэс да кэтэс) дьэ, наХанеСста, дьүһүнүн талларан лаахтары аҕаллылар) арыый кытархай дьүһүнү таллым. ону эмиэ сот да сот, куурт да куурт буоллулар…

уопсайынан, маннык дьарыктар киһи бириэмэтин наһаа сииллэр эбит дин санааҕа кэллим))

hуу, дьэ, бүттэ диэн буолла. арай көрбүтүм, тарбахтарым кытархайынан көрөн, тэтэрбиттэр, чоҕолонноспуттар аҕай)

дьахтар угэһинэн, сиилээн көрдум – тыҥырахтарым быһыылара бэйэм оҥосторбуттан атын соҕус ду… уо.сотуллубут лаах оттеногга арыычча тириибэр барсыбат курдук диэн бэлиэтии көрдум) оол да буоллар, астынным аҕай, өөр сылдьыа диэн санаа олох кынаттырга дылы курдук)

махталы кытта төлөһөн баран тахсан бардаҕым дьи) тыҥыраҕын уһаатаҕын аайы быһан, кырыйан иһээр, олох сөбүлээбэтэххинэ кэлээр, саҥаттаан оҥоруохпут диэн буолбута. сөп, махтал!

оол сайын сүрдээх уһуннук сылдьыбыта. шеллак диэн баарын биллэрбитэ) онтон онтукпун уһулаары сырыттахпына, күһүн соһуччу соҕуруу барар буолбутум. иннэ гынан, оннук хаалан хаалбыта… ону соҕуруу куоракка хайа эрэ маҕаһыыҥҥа сырыттахпына биир наһаа ынырык эмис нуучча дьахтара атахпын үктээбитэ… соруйан да буолуо, билээ суох. ынырык баҕайытык эргиллэн көрбүтэ игин, өйдүүбүн)

кэлин оол тарбаҕым тыҥыра5а, хаана туран, тууллан кэлбитэ… :(( оол иһин тарбахтарбын тэннээн барытын шеллагын уһулла5ым дьи( сиигиппитим, онтум пленка курдук уһуллан кэлэр эбит дьи… өйдөөн көрбүтүм, тыҥырахтарым дэлби чарааһыран хаалбыттар эбит! ити шеллак диэннэрэ киһи тыҥыраҕын олох тыыннарбат ду, хайдах ду… онтон ыла шеллактаммат буолбутум, көннөрү бэйэм оҥосто сылдьабын. оол тостубут тыҥыраҕым, барахсан, сурааһына өөр баҕайы бэлиэ буола сылдьыбыта….

#сахалыы


#сахалыыТатыйык


#телкотюнинг