2 года назад 283
Олоҥхо тыйаатырын “Үс күн” испиктээгин тула кэпсэтии
Былырыын, 2021 сылга, “Культура Якутии” айар бөлөх оҥорор анал биэриитин ыалдьыттарынан Олоҥхо театрын эдэр артыыстара Гаврил Менкяров, Павел Колесов, Иванида Бугулова , Вероника Лыткина, Ньургуйаана Маркова, Валерий Саввинов, режиссер Роман Дорофеев, Олоҥхо театрын литературно-драматическэй салаатын салайааччыта Майя Власьева буолбуттара. Саха норуотун улуу классик суруйааччыларын айымньыларыттан таҥыллан туруоруллубут “Үс күн” испэктээк тула кэпсэтиини Саха Өрөспүүбүлүкэтин Автономиятын 100 сылын көрсө хатылылаан таһаарабыт.
«Үс күн» туруоруу маҥнайгы сүрэхтэниитэ 2019 сыллаахха Казань куоракка «Науруз» аан дойдутааҕы түүр норуоттар театральнай фестивалларыгар көрөөччү киэҥ араҥатыгар ааспыт. Маны таһынан Олоҥхо театра сайдар оҥкулун, сыалын соругун , норуокка, кэлэр көлүөнэҕэ иитэр, үөрэтэр суолтатын туһунан театр артыыстара санааларын үллэстибиттэрэ, атах тэпсэн олорон сэһэргэспиттэрэ. Биэриини сэргээн көрөргүтүгэр ыҥырабыт.
