24 часа назад 333
“Төлкөнү” билбэт төлкөлөнүмүөххэ
Сэтинньигэ элбэх суруйааччы төрөөбүт: Ойуунускай, Алампа, Чысхаан… Оттон бүгүн сэтинньи 22 күнүгэр Николай Гаврилович Золотарёв-Якутскай күнү көрбүт (1908-1995 сс).
Былырыын бу “Блоги Якутии” интэриниэт-сурунаал “Сахалыы сэһэргиэх” былаһааккатыгар Мария Неймохова ыстатыйатын таһаарбыппыт. Онно кини 1988 сыл балаҕан ыйыгар кэргэнэ Егор Неймохов Николай Якутскайы, 80 сааһын үбүлүөйдээх тэрээһиннэринэн, Бүлүү улуустарынан арыаллаабытын туһунан суруйбута. Ол айаҥҥа сылдьыспыт Иван Деевич Архипов түһэрбит хаартыскалара матырыйаалы киэргэппиттэрэ, элбэх киһи болҕомтотун тардыбыттара. Ону бу https://blogi.nlrs.ru/93902/110192 сигэнэн киирэн ааҕыҥ.
“ҺӨҔҮҤ” хамсааһын чэрчитинэн, сахалыы ааҕыыны көҕүлээн, буктрейлер күрэҕин ыыппыппыт. Онуоха Николай Якутскай “Төлкө” трилогиятыгар 2 үлэ киирбитэ. Олору билиһиннэрэбит.
Ньурба улууһун Антоновкатын олохтооҕо Анжелика Николаева ролигын көрдүгүт. Аны билигин Сунтаар улууһун Элгээйититтэн Күннэй Кириллина оҥорбут буктрейлерын сэҥээриҥ.
Национальнай бибилэтиэкэ Николай Якутскай олоҕор уонна айар үлэтигэр анаммыт кэллиэксийэни хомуйан оҥорбута: https://new.nlrs.ru/collections/343
Бэлэм матырыйааллары туһаныҥ, буктрейлердары оҕолорго көрдөрөн, “Төлкөнү” аахтарыҥ.
Этэргэ дылы, “Төлкөнү” билбэт төлкөлөнүмүөххэ! “Төлкөнү” сүүс да сылынан ааҕар төлкөлөөх омук буолуохха!
