6 часов назад 294
Чысхааннаах дойду номоҕо
Бүгүн сэтинньи 21 күнүгэр Николай Максимович Заболоцкай-Чысхаан төрөөбүт күнэ. Айар аата да этэринии, кини тымныы оройунан сураҕырар Өймөкөөҥҥө 1908 с. күн сирин көрбүтэ.
Айар үлэтин саҕаланыытыгар Ойуунускай хайҕалын ылбыт уран тыл маастара Чысхаан биһиэхэ бэртээхэй айымньылары суруйан хаалларбыта. Олортон саха дьоно саамай билэрэ – “Мааппа”.
Оруобуна бу күннэргэ режиссер Алексей Романов ити кэпсээҥҥэ олоҕуран устубут “Хаар куйаар номохторо” киинэтэ тыйаатырдарга көстө турар.
Бу киинэ сиквел. Оттон Орто Халыма Өлөөкө Күөлүн үөрэнээччилэрэ (сал. И.Е. Ноговицына) кинигэтин бэйэтин ахтараары, буктрейлер устубуттарын көрүҥ.
Алексей Романов 1986 сыллаахха “Мааппаны” тэттик киинэ гына устубутун бу сигэнэн киирэн көрүөххүтүн сөп https://sakhafilm.ru/movies/maappa/.
Национальнай бибилэтиэкэ суруйааччыга анаан оҥорбут кэллиэксийэтэ https://new.nlrs.ru/collections/3003?page=5
