3 недели назад 1757
Сахалыы сөпкө суруйууга вебинар ыытыллар
Саха тылын учууталлара, оскуолатааҕы медиа-кииннэр салайааччылара уонна бибилэтиэкэрдэр!
Эһиэхэ аналлаах биир сонун бырайыагы билиһиннэрэрбитин сэргээн көрүҥ.
Вебинар аата: “Эрэдээктэр хараҕынан: бэчээккэ тахсар алҕастар, сахалыы сыыһата суох суруйуу тосхоллоро”.
Тэрийээччилэр: Саха Өрөспүүбүлүкэтин Национальнай бибилэтиэкэтэ, Саха Сирин төрүт олохтоох норуоттарын тылларын уонна култуураларын сыыппара эйгэтигэр үйэтитэр киин, Саха Сирин бибилэтиэкэлэрин ассоциацията уонна Библиоакадемия.
Спикер: Анисия Иевлева, суруналыыс, Национальнай бибилэтиэкэ үлэһитэ, СӨ үөрэҕириитин туйгуна, СӨ бэчээтин туйгуна, Арассыыйа суруналыыстарын сойууһун чилиэнэ, Саха Сирин суруналыыстарын сойууһун бириэмийэлэрин лауреата. Суруналыыстыка салаатын уонна саха тылын магистратуратын кыһыл дипломнаах бүтэрбитэ.
Буолар кэмэ: эһиэхэ ТАБЫГАСТААХ буоллун диэн, вебинарга быһа холбоммоккут. Ол эһиги бириэмэҕитин да харыстыыр сыалтан, итиэннэ интэриниэт да сорох сиргэ мөлтөҕүттэн. Онон аҕыйах киһиэхэ (фокус-бөлөх) ыытыллыбыт вебинары операторынан уһултаран баран, хаачыстыбалаах буоларын курдук, от ыйыгар монтажтыахпыт. Таҥыллыбыт видео-матырыйаалы, үөрэх дьылын көрсө, атырдьах ыйыгар тус электроннай почтаҕытыгар ыытыахпыт. Ону бэйэҕитигэр хачайдаан ылаҕыт уонна көмө матырыйаал курдук туһанаҕыт.
Төлөбүрэ: 500 солкуобай. Бу куйаар-кодунан төлүүгүт:
Биитэр бу https://barsyakutia.ru/ сигэнэн киирэн. АЭБ-тан сатаан барбат буоллаҕына, ыйыллыбыт нүөмэргэ суруйаарыҥ.
Сүрүн ирдэбил: 2025 сыл бэс ыйын 18 күнүгэр диэри төлүүгүт. Онтон хойутаабыттар вебинарга хапсыбаттар.
Төлөөтүгүт да, чеккитин 89142223579 нүөмэргэ бассааптыыгыт. Онон көрөн, испииһэги оҥоробут.
Ол иһин бассаап-илдьиккитигэр БУЛГУЧЧУ барытын ыйаҕыт:
- ааккытын-суолгутун толору;
- дуоһунаскытын, тугу үлэлииргитин;
- дойдугутун, тэрилтэҕитин (оскуолаҕытын, бибилэтиэкэҕитин);
- электроннай почтаҕыт аадырыһын, төлөпүөҥҥүт нүөмэрин.
Туоһу сурук: өрөспүүбүлүкэтээҕи вебинарга кыттыбыккытын туоһулуур сэртипикээт нууччалыы суруллар. Ааккыт-суолгут барыта ыйыллар. Тэрийээччилэр логотиптара баар буолар. Кумааҕыга бэчээттэнэр. Бэс ыйын 20 күнүгэр бэлэм буолуо, ону Национальнай бибилэтиэкэттэн кэлэн ылаҕыт. 89142223579 нүөмэргэ эрийэн билсээриҥ.
Кытаатыҥ, биир идэлээхтэргитигэр бу вебинар туһунан илдьити тарҕатыҥ.
