2 года назад 99
Александра уонна Владимир Кузьминнар “Доҕотторум ырыалара” диэн камернай кэнсиэрдэригэр ыҥырабыт!
Күндү Дьокуускай куорат олохтоохторун, ыалдьыттарын, ырыаны кэрэхсээн истээччилэри муус устар 13 күнүгэр Саха сирин норуоттарын музыкатын уонна фольклорун түмэлигэр “Доҕотторум ырыалара” диэн Александра уонна Владимир Кузьминнар дьиэ-кэргэн дуэтын камернай кэнсиэрдэригэр күүтэбит!
Владимир Кузьмин – СӨ култууратын үтүөлээх үлэһитэ, СӨ ырыа айааччыларын сойууһун чилиэнэ. Кини олоҕун аргыһа Александра – Мэҥэ-Ханалас улууһун уран тарбахтаах маастара.
Бу киэһэ Владимир уонна Александра Мэҥэ-Хаҥаласка олорон ааспыт ырыа куттаах доҕотторун ааттарын үйэтитэтэр, сырдатар сыаллаах, ырыа кэрэ эйгэтин дьоннорун – Анастасия Варламованы, Тамерлан Ивановы, Николай Афанасьевы, Еремей Гоголевы, Петр Васильевы, Иван Аргунову, Николай Сорокины, Николай Устиновы, Виталий Андросовы, Семен Романовы ахтан-санаан, кинилэр ырыаларын ыллаан-туойан ааһыахтара!
Буолар күнэ: муус устар 13 күнэ
Буолар бириэмэтэ: 15.00 чаастан
Буолар сирэ: Саха сирин норуоттарын муусукатын уонна фольклорун түмэлэ, Киров уул. 31 дьиэтэ, 3 этээс
Билсэр нүөмэргит: 35-38-84
