8 часов назад 210
Сөҕүҥ оҥорбуттарын – “ҺӨҔҮҤ” оҥоһуктары
“ҺӨҔҮҤ: дорҕоону дьүһүйэн” өрөспүүбүлүкэтээҕи күрэх кыайыылаахтарын наҕараадалыыр тэрээһиҥҥэ сылдьан устубут сюжеттарын Национальнай бибилэтиэкэ электроннай пуондатыгар каталогизациялаан киллэрбиттэр эбит.
Ити биэрии тэлэбиидэнньэ ханаалыгар көстүбүтүн үксүбүт түбэһэ көрбөтөх буолуохтаах, онон бу сигэнэн киирэн көрүҥ: https://nlrs.ru/open/152212 уонна нэһилиэккит дьоно бары көрөллөрүн курдук тарҕатыҥ. Интэриниэт дойду үрдүнэн бытааран, баҕар, тохтуу-тохтуу арыллыан сөп, ону толору загрузкаланарын тулуйан-тэһийэн күүтэриҥ.
Уопсайынан, бу цифровой суверенитекка көһүү кэмигэр “тулуйан-тэһийэн” диэн тыл тоҕоостоох буолла. Онон бу туох баар киирбит үлэлэри көрдөрөр 17 мүнүүтэ кэриҥэ уһуннаах видеоролигы, эмиэ тулуйан-тэһийэн, тиһэҕэр диэри сэҥээрэн көрүҥ диэн ыҥырабыт.
Итини таһынан хас биирдии үлэни, ааптарын аатын-суолун, дойдутун, салайааччытын ыйан туран, электроннай пуондаҕа киллэриэхпит. Холобура, онтукабыт бу курдук туспа кэллиэксийэ буолуоҕа:
https://nlrs.ru/collections/3636
https://nlrs.ru/collections/4354
Ити сигэлэри арыйан көрбүт буоллаххытына, тугу этэрбитин тута өйдөөтөххүт. Дьэ, ити буоллаҕа саамай улахан кыайыы – биирдэ биир куонкуруска анаан оҥорбуккут үйэ-саас тухары архыыпка үйэтиллэн хаалара, бар дьон хантан баҕар, хаһан баҕар онлайн көрө сылдьара.
Уонна түмүккэ көрдөһөбүт – оҕолор үлэлэрин кэрэхсээбит буоллаххытына, ити сүрэх бэлиэтин баттаан лайктааҥ.
