Саһарбыт лиистэрдээх сурунааллар, хаһыаттар

Оскуола библиотекатын норуоттар икки ардыларынааҕы күнүнэн Баппаҕаайы оскуолатын библиотекара Платонова Саргылана Семеновна үөрэнээччилэргэ анаан урукку кэмнээҕи кинигэлэр, сурунааллар, учебниктар быыстапкаларын тэрийдэ.

Быыстапкаҕа кэлбит оҕолорго элбэх интэриэhинэйи кэпсээтэ. Урут эбээлэрбит почтанан суруттарбыт сурунаалларын биллибит. Ол курдук, көрдөрүүгэ баара: «Советская женщина» (1976 с.), «Работница» (1974 с.), «Крестьянка» (1984 с.), «Семья и школа» (1975 с.), «Здоровье» (1980 с.), «Вокруг света» (1976 с.), «Начальная школа» (1980 с.), «Пионер» (1974 с.), «Хотугу сулус» (1972 с.), о.д.а. сурунааллар.

Хас биирдии сурунаалы билиһиннэрэн, кимиэхэ аналлаахтарын, туох туhунан суруйалларын кэпсээтэ. Урут интэриниэт суоҕар почтанан суруттарбыт сурунааллартан араас сүбэлэри, доруобуйаҕа, олоххо аналлаах матырыйааллары туhаналлара, сонуннары билэллэрэ, кэпсээннэри ааҕаллара.

Кыргыттар «Бурда» диэн муода туhунан сурунаалы сэҥээрэн кѳрдүбүт. Уолаттар «Человек и закон» диэни ырытан ыллылар.

Быыстапкаҕа III кылаас үѳрэнээччитэ Харлампьев Георгий аҕата маҥнайгы кылааска киирэн үѳрэммит бартыбыала (1979 сыллааҕы) улахан интэриэhи тарта, тутан-хабан кѳрдүбүт.