3 месяца назад 85
Сэбиэскэй былаас олохтонуутун кэмигэр ойууттары сойуолааhын туhунан …
ОЙУУТТАР АЛБЫННАРА ТАХСАР.
Дьокуускай уокруга баартыйатын кэмитиэтигэр аккаас сурук
Мин баттыгастаах олох баарыгар бастаан иирэ сылдьыбытым – ойууннуур этим. Мин дьиҥ кырдьыкпын этэбин, ойуун буолан сылдьаммын абааһы баарын төрүт билбэтим, онон, абааһы диэн тыл араас аньыыттан куттаан албыны эрэ оҥорор наадатыгар баар буолбут суол.
Онон, бүгүҥҥү күнтэн ыла кимиэхэ даҕаны ойууннуом суоҕа. Билиҥҥи былааһы ытыктыыр киһи албынтан аккаастаныах тустаах, албынтан хааннаах баттыгас тахсар.
Атын да ойууттары аккаастанарга ыҥырабын.
Ньукулай Братаасап.
тохсунньу 18 к. 1925 с.
Туох суругу ааттаах Братаасап ойуун суруйда?
Кини дьону албынныырын билинэн ойууннуур идэтиттэн аккаастанна. Дьокуускай уокруга ситэриилээх кэмитиэтэ, кини аккаас суругун ылан баран, саха бырабыыталыстыбатыгар бары быраабын төннөрүҥ диэн, – көрдөһүү оҥордо.
Братаасап кимий?
Ньукулай Ньукулуйабыс Братаасап диэн, саха 2-й Хайахсыт нэһилиэгэ, Ботуруускай улууһа Дьокуускай уокругата; 27 саастаах тыаҕа олохтоох киһи.13 сааһыттан ыла ойуун идэлэммит. 1915-с с. ыла улуу ойууттар суоттарыгар киирэн, харчыга кыыран барбыт.
Братаасап ыҥырыы ыытар.
Кини манна киллэрбит “Кыым” хаһыакка суруга: “Мин Братаасап диэн ааттаах ойуун 14 сыл иһигэр быһа кыыран тахсыбыт киһибин. Ол гынан баран, 14 сыллаах идэбин бэйэм санаабынан хаалларабын.Мин үрдүбүнэн даа, анныбынан даа ойууттары ыҥырабын, албын идэҕитин хаалларыҥ диэн.”
Нь. Братаасап.
Онон саха сиригэр күнтэн-күн ахсын, аҕабыыттар, ойууттар албастара көстөр, кыра хара норуот кинилэртэн туораан иһэллэр.
Маркиэл Бүбээкин.
Ойууттар албыннара тахсар // Кыым, 1925. – № 5. – С. 1.
