Дьэ эрэ, доҕоттор, сахалыы суруйбатах ыраатта)) Куоракка сылдьыбыт күннээҕи тугэннэрбиттэн кыратык кэпсээн аһардыым ду)

бэйэм хаартыскам)

---

Кыһыммыт тыйыс тымныыта тоһугуратан тиийэн кэллэҕэ. Онон дьон даҕаны, мин даҕаны тоҥон өлүмээри халын таҥас кэтэн, үллүү бөҕөтө буоллахпыт. Истээх ыстаан, түүлээх саҕынньах, үтүлүк-бэргэһэ, хаатыҥка-этэрбэс – ким туох кыахтааҕынан, уп-харчы тиийэринэн таҥнан-симэнэн кыһыны туоруурга оҥостор буоллаҕа)

Биир күн даачабыттан автобус тохтобулугар ыксаан-кыараан аҕай кэллим. Автобустар барар санаалара суохха дылы курдук этэ, онон, таах тоҥо туруом дуо диэммин, аттынааҕы маҕаһыыҥҥа иттэ киирдим. Маҕаһыын түннүгүнэн автобустар баралларын-кэлэллэрин кэтии турдум.

Маҕаһыын иһигэр аҕыйах атыылаһааччылардаах, ол быыһыгар биир эмээхсин турара. Барар-кэлэр соруга суохха дылы курдук этэ, быһыыта, эмиэ бэйэбэр дылы иттэ киирбит дьүһүннэҕэ. Таах туруохтааҕар, аҕыйах тыл бырахсан, кэпсэтэн ыллыбыт. Онуоха кырдьаҕаһым:

– Кэпсэттинньэн баҕайы оҕо эбиккин дии, – диэтэ.

– Э, хантан оҕо буоллуохпунуй, – диэн күлэ-күлэ хардардым, – Ол кэпсэтэн туохпун былдьатыахпыный, кэпсэтэр киһини кытта кэпсэтимнэбин.

– Билигин оҕолор олох кэпсэппэттэрэ э, – диэн эмээхсин соньуйан ылар.

– Ити бэргэһэҕин бэрт баҕайытык толкуйдаабыккын ди, – эмээхсиним хайҕаан баран тохтоомоору гынна) Өссө кыламаҥҥа биэрэрдии эттэ, – стильнай баҕайыгын.

Бүттүбүт)) Баара суоҕа бейсболка таһынан былаат эрэ баана сылдьабын э)) Ол да буоллар, автобуһум кэлбитигэр, стильнай аатыран, үөрэ-көтө ыстаннаҕым дии)

Киһи хараҕа кырдьыбат диэн ол иһин мээнэҕэ эппэтэхтэрэ буолуо) Хаһан баҕарар, ханна баҕарар, хас да сааскын туол – киһи кэрэни, уратыны син биир бэлиэтии көрө сырыттаҕа)

Аны биир күн кыһалхалаах киһи налоговайга киирэ сырыттым. Хата, мин дьолбор, кэннибиттэн ким да суох буолан операционист дьахтар көрдүүр докумуоммун тута сип-билигин оҥоруом диэн үөртэ.

#дьолоохдьахтармин

)) Онон компьютерыгар умса туттан, клавиатуратынан тугу эрэ бэчээттээн хачыгыратан барда. Мин тугу да гынарым суох буолан көннөрү телефон хаһа олордум. Арай киһим өр-өтөр буолбата:

– Ити духиин ханныгый? – диэн эмискэ ыйытта.

– Уай, – соһуйаммын аллайа түстүм. – Ону тугуй?

– Наьаа үчүгэй сыттаах ди. Мин аллергиялаах буоламмын мээнэ духиинан туттубаппын э. Ону ити эйиэнин наһаа сөбүлээтим. Аата ким диэний?

Мин духиим аатын эттим, сып курдук гуугллаан хаартыскатын булан көрдөрдүм игин))

#ятакаяскораянапомощь

. Киһим кумааҕы сыыһыгар духи аатын сурунан ылла)

Сотору соҕус наадалаах докумуонум бэлэм буолан, иккиэн икки өттүттэн сыалбытын ситиспит дьон, астына-дуоһуйа покалааһан араҕыстахпыт))

Дьоллоох куорат Дьоккуускай!

Атын сахалыы кэпсээннэрим бу хештегтарынан бааллар:

#сахалыы


#Дьокуускай


#сахалыыТатыйык


#дьоллоохкуоратДьокуускай

Сөргутэн, суруйан иһиэх баар этэ… Чэ, өссө да суруйом буоллаҕа)