вареники - Блоги Якутии
Архив автора

6 лет назад 161

вареники


бэҕэһээ автобуһунан баран иһэн, суоппар телефонунан кими эрэ кытта кэпсэтэрин иһиттим. бука сэрэйдэххэ, ойоҕо игин буолуо.


сымнаҕас баҕайы куолаһынан тугу эрэ минньигэһи ботугуруур уонна бүтэһигэр:



– хорошо, вареники свари, – диэтэ.


ону мин, алҕас истэ олорор киһи, аллайа түстүм)


вареники диэн тугуй, да? үйэбэр биирдэ да аһаан-амтаһыйан көрбөтөх эбиппин… бука сэрэйдэхпинэ, үлтүрүллүбүт оҕуруот аһын тиэстэҕэ суулан баран буһараллар быһылаах бытта? онтуктара оол төһө тотоойу, минньигэс буоларый?


этимсэх киһи, арай иһиттэххэ, бэрт наһаа астынар аһа буолбатах курдук ди…


онтон эмиэ да былыр сааһыары, эт бүтэр кэмигэр, сахалар балыкка, үрүҥ аска көһөллөрүн курдук, нууччалар эмиэ оннук кэмҥэ астанар астара буолуо ду. оччоҕуна, дьэ, кырдьык, киһи сирбэккэ-талбакка мотуйарыгар тиийэр буоллаҕа дьи)


оол гынан баран ити варениктары дьон өрүү астынан сиир курдук саҥарааччылар ди)


эһиги вареники диэн ас амтана хайдаҕын билэҕит дуо? төһө сөбүлээн сиигитий?


баҕар, ким эмит, эмиэ мин курдук, сии илик ду)) баШше сии илигим диэн наһаа дьиибэ эбит ди)


чэ, уонна мин ыстанным)) бүгүн кыһыммыт бастакы күнэ. онон барыгытын эҕэрдэлиибин!



#сахалыы


#Дьокуускай


#сахалыыТатыйык

Добавить комментарий